Törek matbuğatına küzätü 25.07.2023

“Haber Türk” gazetı yazğança Türkiyä ilbaşı Räcäp Tayyip Ärdoğan Lozanna Tınıçlıq kileşüe imzalanuınıñ 100 yıllığı uñayınnan yullama yasadı. Ärdoğan yullamasında bolay dip citkerde: “Ğaziz millätebezneñ tulı bäysezlek iradäse Lozanna tınıçlıq kileşüen söyläşü häm imza barışında da üzen köçle räweştä kürsätte.”

“Sabah” basması beldergänçä Törkiyä ilbaşı Räcäp Tayyip Ärdoğan Tön’yaq Kipr Törek Cömhüriyätenä xuplawnıñ artıp däwam itäçägen äytep: “Kipr utrawınıñ daimi häm ğadel tınıçlıqqa qawışuı öçen üz cawaplılıqlarıbıznı cirenä citkererbez,” – dide.

“Star” gazetı xäbärenä kürä İlbaşı idaräseneñ êlemtä başlığı Faxrettin Altun Êlemtä räislege qorıluınıñ 5 yıllığı uñayınnan video yullama yasadı. Altun yullamasında tübandägeçä citkerde: “Räislegebez xaqıyqät’ öçen köräştä kiregä adım yasamıyça cämäğat’çelekkä döres, ütä kürenmäle häm tiz räweştä mäğlümat birergä däwam itäçäk.”

“Yeni Şafak” basması yazğança Amerika Quşma Ştatları Däwlät departamentı Qara diñgez aşlıq kileşüen qabat tözü mäs’äläsendä Törkiyä ilbaşı Räcäp Tayyip Ärdoğannıñ Rusiyä däwlät başlığı Vladimir Putin belän ütkärüe küzallanğan söyläşüennän uñay näticäneñ çığaçağına ömet itüen açıqladı.

“Hürriyet” gazetı citkergänçä Amerikalı “Al Monitor” xäbär säxifäse Türkiyäneñ keşesez hawa apparatlarınıñ populyarlığın küzätä başladı. Xäbärdän kürengänçä Türkiyä 2019 yılda keşesez hawa apparatların sata başlağannan soñ Ukraina, Qarabax, Liviya, Süriyä, Ğıyraq, Êfiopiya häm Somali belän ber rättän dön’yanıñ här cirendäge bäreleş töbäklärendä uñışlı räweştä qullanıla.