Төрeк мaтбугaтынa күзәтү - Törek matbuğatına küzätü 24.07.2023

“Yäni Şafak” gazetı: “İslam xezmättäşlek oyışması Qor’än öçen çara kürsen”

Tışqı êşlär ministrı Xaqan Fidan Paqıstanlı wazıyfadaşı Bilaval Butto belän kiçä ütkärgän söyläşüdä Qor’än-ı Kärimgä höcümnärgä qarşı İslam xezmättäşlek oyışmasınıñ çara kürüen teläde.
 

“Star” gazetı: “Türkiyäneñ cirle avtomobile “Togg” cir şarın äylänep çığaçaq”

Sänäğät häm texnologiya ministrı Mäxmät Fatih Kacır, bik küp il liderın “Togg” belän oçraştırunı maqsat itülären belderep: ““Togg”nı, ber yaqtan, Türkiyädä millätebez belän oçraştırğanda, şul uq waqıtta illär häm qıytğalar buyınça dönyağa tarataçaqbız”, - dip äytte.

“Sabah” gazetı: “Antaliyağa hawa yulı belän ber köndä 99 meñ 149 turist kilde”

Antaliya vilayät başlığı (gubernatorı) Ärsin Yazıcı sośial’ media akkauntınnan kiçä urtaqlaşqan yazmasında şimbä könne hawa yulı belän Antaliyağa 99 meñ 149 turistnıñ kilüen citkerde.
 

“Watan” gazetı: “İstanbul - Awrupanıñ iñ tığızı”

Transport häm asqorma ministrı Abdulkadir Uraloğlu “YEVROKONTROL’” Awrupa aviaśiya ğomum küreneş xisabında 2023nçe yılnıñ 10nçı-16nçı iyül’ çorı öçen açıqlanğan hawa xäräkäte statistikasına kürä, İstanbul hawa mäydanınıñ könenä urtaça 1 meñ 487 oçış belän Awrupadağı iñ tığız aêroport buluınnan ğorurlanuların belderde.
 

“Xäbär Türk” gazetı: “Milli işkäkçe Älis Özbay dönya çempionı buldı”

Bolgariyada oyıştırılğan 23 yäş’kä qadärge Bötendönya işkäk işü çempionatında milli sportçı Älis Özbay, altın medal’ yawlap, dönya çempionı buldı.