Törek matbuğatına küzätü 21.07.2023

“Yenişafak” gazetı Ärdoğannnıñ Kipr belän bäyle çaqıruına urın birä.

Türkiyä ilbaşı Räcäp Tayyip Ärdoğan Tön’yaq Kipr Törek cömhüriyätendä Ärcan aêroportınıñ yaña terminal binasınıñ açışlında yasağan çığışında xalıqara cämäğat’çelekkä möräcäğat’ itte. “Tön’yaq Kipr Törek cömhüriyätenä qarata xoquqı nigeze bulmağan, tulısınça säyäsi çikläwlärne beterergä çaqıram,”-dide ul.

“Hürriyet” gazetı Ärdoğannıñ Kipr belän bäyle tağın ber çaqıruın citkerä.

Türkiyä ilbaşı Räcäp Tayyip Ärdoğan Solıx häm bäysezlek bäyräme tantanaları qısalarında Tön’yaq Kipr Törek cömhüriyätendä çığış yasap, älege ilne tanırğa çaqırdı. “BMO tribunasınnan yasağan tarixi çaqıruımnı qabatlıym. Kilegez, utrawdağı çınbarlıqqa artığız belän borılmağız, Tön’yaq Kipr Törek cömhüriyäten tizräk tanığız,”-dide ul.

“Sabah” gazetı “Rusiyä xezmätkärläre İstanbuldan kitte” dip yaza.

Türkiyä milli saqlanu ministrlığı çığanaqları citkergänçä,  Aşlıq koridorı kileşüeneñ 17nçe iyül’dä tuqtatıluınnan soñ Rusiyä xezmätkärläre İstanbuldağı Urtaq koordinaśiyä üzägennän kitte.

“Habertürk” gazetı “Rusiyä Türkiyädän pomidor kertü kvotasın arttırdı” dip citkerä.

Rusiyä Türkiyädän pomidor satıp alu kvotasın 350 meñnän 500 meñ tonnağa arttırdı.

“Star” gazetı  “Mişlen beleşmäse”neñ Türkiyä kartasına tağın 2 şähär östälüe turında yaza.

Dön’yadağı iñ abruylı restoran bäyäläw sistemalarınnan berse bulğan “Mişlen beleşmäse” Türkiyädäge saylap alınğan noqtalarğa İzmir belän Bodrumnı da kertä. Anıñ xalıqara mödire Gvendall Pulennek: “Bu ike yaña regionnı Mişlen ğailäsenä kertep, Türkiyäneñ küz uñınnan ıçqındırılmasqa tiyeş gastronoımiyä yünäleşe buluın dön’yağa çın küñeldän iğ’lan itärgä telibez,”-dide.