Törek matbuğatına küzätü 20.07.2023

“Sabah” gazetı Türkiyä belän Berläşkän Ğaräp Ämirlekläre arasındağı kileşü turında yaza.

Türkiyä (Төркия) ilbaşı Räcäp Tayyip Ärdoğannıñ Berläşkän Ğaräp Ämirleklärendä däwlät başlığı şäyıx Möxämmät bin Zayed Al Naxyan belän oçraşıp söyläşüennän soñ ike il arasında 50,7 milliard dollarlıq kileşü tözelde. İnvestiśiyä, iq’tisad, sänäğat’, saqlanu, xoquq, xökem çığaru, yañartıla aluçı ênergiyä häm ğaläm industriyäse şikelle tarmaqlarda 13 dokument imzalandı.

“Xörriyät” gazetı çit il matbuğatında Ärdoğan turındağı analitik mäqaläne telgä ala.

Rusiyäneñ aşlıq koridorı kileşüen tuqtatuınnan soñ dön’ya krizistan çığu yulı êzlägändä “Newsweek” basması qızıqlı analitik yazma bastırdı. AQŞ jurnalı Ärdoğannıñ krizistağı rolenä iğ’tibarnı cälep itä häm Rusiyä däwlät başlığı Vladimir Putin belän Ukraina liderı Volodimir Zelenskiynıñ anıñ teläktäşlege öçen yarışuın assızıqlıy.

“Yänişafak” gazetı Urta diñgezneñ könçığışında kötelmägän tärräqıyät’lär turında citkerä.

2020nçe yılnıñ cäyındä älege regionda bulğan kiyerenkelektän soñ qapma-qarşı kilgän törek häm grek xärbi korabları 3 yıldan soñ NATO tübäse astında Angliyä belän bergä urtaq öyränülär uzdırdı.  

“Star” gazetı “Tüläwsez 5 yoldızlı (йолдызлы) plyaj sanı 35kä citä” dip yaza

Türkiyä (Төркия) mädäniyät häm turizm ministrlığı Antaliyädä 2 meñ 600 şezlong sıydırışlı “Küçük Çatlıcak” tüläwsez ictimağıy plyajınıñ açılaçağın häm näticädä andıy qomlıqlarnıñ sanınıñ 35kä citüen belderde.

“Xäbärtürk” gazetı Antaliyägä hawa yulı belän kilgän turist sanınıñ 7 millionnan artuın citkerä.

Dön’yanıñ här poçmağınnan turistlarnı cälep itep itüçe Antaliyägä bıyıl hawa yulı belän kilgän turist sanı 7 million 37 meñ 883 buldı.