Törek matbuğatına küzätü 10.07.2023
Qayber törek basmalarına küzätü
“Xörriyät” gazetı yazğança, Türkiyä (Төркия) ilbaşı Räcäp Tayyip Ärdoğan AQŞ Däwlät başlığı Djo Bayden belän telefonnan söyläşte. Söyläşüdä Ukrainanıñ NATOdağı urını, Şveŝiyaneñ (Швециянeң) NATOğa quşıluı, "F-16" xärbi oçqıçlarnıñ tapşırıluı häm Türkiyäneñ Awrupa Berlegenä tulı äğzalek barışı quzğatıldı.
“Sabah” basması beldergänçä, Türkiyä ilbaşı Räcäp Tayyip Ärdoğan "Törek Qızılayı"nıñ çirattan tış ğomum şurasına cibärgän video yullamasında bolay dip citkerde: “"Törek Qızılayı" ilebezneñ ğorurlığı bularaq 155 yıl buyı dönyanıñ här poçmağında humanitar yärdäm êşçänleklären alıp bara. Däwlät häm millät berläşüe bulğan "Qızılay"nıñ simvolı qızıl hiläl awır xäldä qalğan barlıq mazlumnarğa ömet çatqısı bulıp tora.”
“Yänişafak” gazetı xäbärenä kürä, Türkiyä ilbaşı urınbasarı Cäwdät Yılmaz, Qazna häm finans ministrı Mäxmät Şimşäk belän Qatar Ämire Tamim bin Hamad Al Tani belän küreşep söyläşte. Ministr Yılmaz Qatar liderı belän iqtisadi xezmättäşlek mömkinleklären qarawların (кaрaулaрын) belderep: “Saqlanu sänägäte häm ênergiya ölkäsendäge xezmättäşlegebezne nığıtunı maqsat itäbez,” – dide.
“Habärtürk” basması citkergänçä, Türkiyä Awrupa Berlege illärenä avtomobil’ êksportın, yılnıñ berençe yartısında uzğan yılnıñ şul uq çorına kürä 20%ka arttırıp, 11 milliard 988 million 673 meñ dollarğa kütärde.
“Star” gazetı yazğança, İstanbul aêroportı könenä urtaça 738 kütärelep kitü häm könenä urtaça 1525 oçqıç säfäre belän Awrupanıñ iñ tığız hawa mäydanı buldı. Törek hawa yulları da Awrupada iñ küp oçış başqarğan 3nçe Hawa yulı şirkäte buldı. Türkiyä (Төркия) aviaŝiya (авиация) ölkäsendä kertkän investiŝiyalär (инвестицияләр) belän oçqıç xäräkäte häm yulçı sanında Awrupada liderlıkka kütärelde.
Bäyläneşle xäbärlär
Törek matbuğatına küzätü 13.06.2024
13 nçe iyün’ könne basılıp çıqqan qayber törek gazetlarına küzatü