Törek matbuğatına küzätü 21.06.2023

“Hürriyet” gazetı ilbaşı Ärdoğannıñ süzläre belän “Sıyınuçılarnıñ irekle qaytuın yaqlıybız” dip yaza. Türkiyä ilbaşı Räcäp Tayyip Ärdoğan “Keşelek häm kürşelek burıçın härwaqıt ütägän Türkiyä sıyınuçılarnıñ tuğan yaqlarına qurqınıçsız häm irekle qaytuın xuplıy häm monıñ öçen kiräkle proyektlarnı tormışqa aşıra” dip äytte.

“Vatan” gazetı “Ärdoğannan Könbatışqa rasaçılıq reakśiyäse” isemle yazmasında citkergänçä, Türkiyä ilbaşı Räcäp Tayyip Ärdoğan Könbatış illärendä tamır cäygännän soñ ağulı çormawıq kebek başqa cämğıyät’lärgä dä taralğan qaçaqlarğa qarata näfrät süzlären, neo-naśist ideologiyäsen, islamofobiya häm ksenofobiyanı kire qağuların citkerde.  

“Star” gazetı “Alman terrorçı Tomas täêsirsez xälgä kiterelde” dip xäbär itä. Uzğan atnada Ğıyraqnıñ tön’yağında Törek Qorallı Köçläre täêsirsez xälgä kitergän “PKK” terrorçılarınıñ berse Germaniya grajdaninı bulıp çıqtı. Üterelgän terrorçınıñ alman Tomas Dj. ikänlege açıqlandı.

“Sabah” gazetı “PKK”nıñ bazası - Germaniya” isemle xäbärendä yazğança, Germaniya Federal’ Konstituśiyäne saqlaw oyışması mäğ’lümatlarına qarağanda, “PKK” terror oyışması Germaniyädä 14 meñ 500 meñ äğ’zası belän êkstremistik çit il oyışmaları arasında berençe urında tora.

“Yeni Şafak” gazetı “Arda Gülärgä zur xörmät” isemle xäbären alğı planğa çığara. İtaliyäneñ “Tuttosport” gazetası tarafınnan 21 yäş’kä qadärge futbolçılar öçen oyıştırılğan “Golden Boy” bülägenä kandidatlar iğ’lan itelde. “Türkiyäneñ “Fänärbahçä” komandasında uynawçı 18 yäş’lek milli futbolçı Arda Gülär Awrupanıñ iñ yaxşı yäş’ futbolçısına birelgän “Golden Boy” bülägenä täq’dim itelde.