Törek matbuğatına küzätü 20.06.2023

“Sabah” gazetı ilbaşı urınbasarı Cäwdät Yılmaznıñ Kipr belän bäyle belderüen citkerä.

Türkiyä ilbaşı urınbasarı Cäwdät Yılmaz Tön’yaq Kipr Törek cömhüriyäte däwlät başlığı Ärsin Tatar belän oyıştırılğan berdäm matbuğat oçraşuında: “Kipr törekläre Türkiyäneñ yöz’yıllığında yıllar buyı bu cirlärgä quyılğan êmbargolarnı ber-ber artlı cimeräçäk, dön’yağa açılaçaq,”-dide.

“Hürriyet” gazetı tışqı êşlär ministrlığınıñ İzrailgä reakśiyäse tuırnda yaza.

Türkiyä tışqı êşlär ministrlığı İzrail dairäläreneñ Yordannıñ Könbatış üzänlegendä kimendä 19 toraq punktta 4 meñ 500 berämlek yaña qanunsız cirläşü urını tözü planın ğayepläde.

“Yenişafak” gazetı “Yaña dron täwge tapqır kürsätelde” dip xäbär itä.

TUSAŞ yasağan Yök taşuçı keşesez hawa apparatı Franśiyä başqalası Parijdağı Êyrşow kürgäzmäsendä xalıq qarşına çıqtı. Anıñ yärdämendä qoral, yağulıq, azıq-tölek şikelle törle ixtiyaclarnı frontqa hawa aşa tiz, ışanıçlı häm tağın da az çığımnar belän iltergä bula.  

“Habertürk” gazetı Qıtay citeşterüçeläreneñ Türkiyädäge investiśiyäse xaqında citkerä.

Qıtaynıñ êlektrlı avtomobil’ marqası “Skywell”nıñ citeşterüçese Türkiyädä batareya investiśiyäse yasayaçağın belderde.

“Star” gazetı Türkiyä cıyılmasınıñ liderlığı turında yaza.

UEFA 2024 Awrupa futbol çempionatı saylap alu turınıñ D törkemendä urın alğan Türkiyä cıyılma komandası Uêl’snı 2gä 0 ciñep östäge urının saqlap qaldı. Ul balların 9ğa kübäytep liderlığın däwam itä.