Төрeк мaтбугaтынa күзәтү - Törek matbuğatına küzätü 15.06.2023

“Xörriyät” gazetı: "Ärdoğan: “Şveśiya üz burıçın başqarırğa tiyış"

Tön’yaq Kipr Törek Cömhüriyäte häm Azärbaycan säfärennän qaytqan çaqta jurnalistlarnıñ sorawlarına cawap birüçe İlbaşı Räcäp Tayyip Ärdoğan Şveśiyanıñ NATO äğ’zalege belän bäyle bularaq: "Bar närsädän êlek Şveśiyanıñ üz burıçın başqaruı kiräk. Şveśiya şuşı (“PKK”) terror oyışmasınıñ êşlägänen yuq itüe kiräk,” – dide.

“Yänişafak” gazetı: "AQŞ ilçesennän Türkiyägä maqtaw süzläre"

Amerika Quşma Ştatlarınıñ Änkara tulı wäqalätle ilçese Djeff Flêyk: "Türkiyädän başqa hiçber il Rusiyä häm Ukraina arasındağı tartqalaşunı, Montrö kileşüen ütäp, kontrol’ astına ala almaz ide. Häm başqa hiçber il Qara diñgez aşlıq iniśiativasınıñ ciñeläytelüen uñışlı räweştä täêmin itä almas ide,” – dip äytte.

“Xäbärtürk” gazetı: "Türkiyädän Quveytqa milli keşesez qorallı hawa apparatı “Bayraktar TB2” êksportı"

Türkiyäneñ bik küp ilgä êksportlanğan milli “Bayraktar TB2” keşesez qorallı hawa apparatın Quveyt ta satıp alaçaq. Êksport mäs’äläsendä Quveyt däwläte belän “Baykar” arasındağı kileşü barışınıñ uñışlı tögällänüe belderelde.

“Star” gazetı: "Alman “TUI”dän Türkiyä belderüe: “Soraw-taläp arta”"

Germaniyanıñ “TUI” turizm operatorı 2023nçe yılda köçle cäyge sezonnıñ kötelüen açıqladı. Belderüdä Türkiyäneñ yal itü qalası Antaliyanıñ şaqtıy soraw-taläp kürüe turında äytelde.

“Vatan” gazetı: "Uraloğlu: “2023tä 299 meñnän kübräk kruiz yulçısın qunaq ittek”"

Türkiyä transport häm asqorma ministrı Abdulkadir Uraloğlu: "2023nçe yılnıñ berençe 5 ayında 299 meñnän kübräk kruiz yulçısın qabul ittek,” – dip äytte.