Törek matbuğatına küzätü 12.06.2023

“Star” gazetı “Bez söyläşülärgä äzer” isemle yazmasında citkergänçä, Kön’yaq Kipr Grek citäkçelege ilbaşı Nikos Xristodulidis ilbaşı Räcäp Tayyip Ärdoğannıñ saylawda ciñüennän soñ Türkiyägä möräcäğät’ itep söyläşülärne yañadan başlarğa äzer buluların äytte.

“Haber Türk” basması “Bıyıl TANAP tan Türkiyägä 10 milliard 200 million kub metr gaz qudırılaçaq” dip yaza. Azärbaycannıñ Änkaradağı tulı wäqalätle ilçese Räşad Mämmädov Trans Anadolu tabiğıy gaz ütkärgeçe (TANAP) proyektınıñ quäteneñ artuın belderep” Bıyıl “TANAP” belän Türkiyägä 10 milliard 200 million kub metr, Awrupağa 12 milliard kub metr buluı belän bergä 22 milliard 200 million kub metr gaz êksportlanır dip kötelä” dide.

“Sabah” gazetı “Türkiyädän Farsı qultığı illärenä 1 milliard 600 million dollarlıq êksport başqarıldı” dip xäbär itä. Ağımdağı yılnıñ mayında Türkiyä Farsı qultığı illärenä 1 milliard 691 million dollar külämendä êksport başqardı.Bu isä uzğan yılnıñ mayı belän çağıştırğanda 29%qa kübräk.

“Hürriyet” gazetı “Antaliyağa hawa yulı belän kilüçe turistlar sanı 4 millionnan arttı” isemle xäbärendä yazğança, 1 nçe ğıynwardan 10 nçı iyün’gä qadär Antaliyağa hawa yulı belän kilgän turistlar sanı 2022 nçe yıl belän çağıştırğanda 37%qa artıp 4 million 62 meñ 891gä citte.

“Vatan” gazetı “İstanbul aêroportında UEFA Çempionnar ligası rekordı” isemle yazmasında İstanbulda uzğan matç uñayınnan aêroportta rekord quyıluın uquçıları belän urtaqlaşa. Awrupanıñ iñ tığız hawa mäydanı bulğan İstanbul aêroportı UEFA Çempionnar liğasınıñ final matçın qaraw öçen İstanbulğa kilüçelär näticäsendä 9 nçı iyün’dä 1 meñ 594 töşep utıru häm kütärelep kitü belän yaña rekord quydı. 11 nçe iyün’ könne matç qararğa kilüçelärneñ qaytuı belän planlaştırılğan barlığı 1 meñ 749 reys belän hawa xäräkäte rekordı quyıldı.