Törek matbuğatına küzätü 05.05.2023

“Hürriyet” gazetı yazğança Türkiyädä 14 may könne uzaçaq saylawlarnı kötüçe şaqtıy televideniye häm basma täraqqıyät’lärne uquçıları häm tamaşaçıları belän urtaqlaşıp bara. Nemeŝ telendä basıluçı “Frankfurter Allgemeine” gazetı “Frankfurttağı başkonsullık yanında keşe törkeme” isemle xäbärendä bolay dip citkerä: “İlbaşı saylawı öçen kilgän töreklärdä tawış birü iradäseneñ köçle buluı kürenä.”

“Yeni Şafak” basması beldergänçä İlbaşı saylawı häm xalıq ışanıçlısı ğomum saylawında çit illärdäge wäkilçeleklärdä tawış birü êşe däwam itkändä Germaniya xökümäte 9 ärcä töbägen qurqınıçsızlıq nigeznamäse belän isemlektän çığardı. Daniyadä isä töreklär tawış biräçäk urınnarda İslamnı mısqıllawçı plakat êlende. Franŝiyaneñ Marsel’ şähärendä dä tawış birergä telägän töreklärgä höcüm itkän törkemnärgä iminlek köçläre qomaçawlamağan ide.

“Star” gazetı xäbärenä kürä Vengriyaneñ tışqı êşlär häm tışqı säwdä ministrı Rusiyä-Ukraina suğışındağı berdänber uñışlı aradaşçılıq iniŝiativasınıñ Aşlıq kileşüe buluına iğtibarnı cälep itep bolay dide: “Şunıñ öçen kiläse çorda tınıçlıq urnaştıru söyläşüläre öçen şartlar barlıqqa kilgändä Türkiyäneñ bik zur roleneñ buluı zarurlığın uylıybız.”

“Vatan” basması citkergänçä Türkiyä neft’ korporaŝiyase TPAO Cudi-Gabarda tabılğan neft’ belän bäyle bularaq: “Türkiyädä xäzergä qadär yasalğan iñ zur açış”, - dide. Mäydandağı neft’ miqdarınıñ yaqınça 1 milliard miçkä buluı urın alğan açıqlawda bolay diyelä: “Cudi-Gabar töbägendä yaña açış potenŝialı da yuğarı.”

“Sabah” gazetı yazğança İstanbul finans üzäge ğomum mödire Äxmät İhsan Erdem üzäkneñ fizik mömkinleklär cähatennän bik zamança buluın, barlıq êşçelär häm investorlarnıñ härtörle ixtıyacın qanäğat’länderäçäk itep tözelüen belderde. İstanbulnıñ global’ iqtisadınıñ yöräge tipkän urın buluın assızıqlağan Erdem tübändägeçä däwam itte: “İstanbul finans üzäge belän İstanbul häm üz töbägendä häm dä dön’yada xalıqara finans üzägenä äylänäçäk.”