Төрeк мaтбугaтынa күзәтү - Törek matbuğatına küzätü 04.05.2023

“Yänişafak” gazetı: "Zigana monnan arı ütep bulmaslıq tügel"

İlbaşı Räcäp Tayyip Ärdoğan Trabzonda Yaña Zigana tunnelen açu tantanasında yasağan çığışında, tunnelneñ dönyanıñ öçençe, Awrupanıñ häm Türkiyäneñ iñ ozın ike yaqlı avtoyul tunnele bularaq salınuın belderep: "Bu tunnel belän Qara diñgezne Könçığış häm Kön’yaq-könçığış Anadoluğa, annan İran belän Yaqın Könçığışqa, yäğ’ni Yefäk yulına totaştırabız. Zigana tawınıñ ütä almaslığın beterüçe bu tunnel töbägebezneñ här ölkädäge üseşeneñ simvollarınnan berse bulaçaq,” – dip äytte.

“Xörriyät” gazetı: "Ärdoğan cirle boralaqqa “Näfäs” isemen quştı"

İlbaşı Ärdoğan Urman xucalığı ğomum mödirlege inventarenä kertelgän cirle häm milli “T70” boralağına “Näfäs” (yäğ’ni “Sulış”), küzätü oçqıçına da “Otağ” isemen quştı.

“Xäbärtürk” gazetı: "Çavuşoğlunıñ dürt yaqlı cıyılış belderüe"

Tışqı êşlär ministrı Mäwlüt Çavuşoğlu Rusiyä, İran häm Süriyä belän tışqı êşlär ministrları däräcäsendäge cıyılışnıñ 10nçı mayda Mäskäwdä uza alaçağın äytte.

“Star” gazetı: "Vengriya ministrınnan “TOGG”qa yuğarı bäyä"

Sänäğät häm texnologiya ministrı Mostafa Varank häm Vengriya (Macarstan) tışqı êşlär häm tışqı säwdä ministrı Peter Siyarto cirle häm milli mömkinleklär belän êşläp çığarılğan “Togg” maşinası belän  yörep aldılar. Varanknıñ: "“Togg”qa yöz ball birde" diyıp äytkän Siyarto: "Türkiyä monnan arı xalıqara avtomobil’ sänäğäteneñ barı tik möhim urını ğına tügel, ber ük waqıtta maşinasın citeşterü ölkäsendä iq’tisadi üseşen kürsätä,” – dip äytte.

“Sabah” gazetı: "Türkiyä çikläwek êksportınnan 1 milliard 300 millionnan kübräk kerem aldı"

Türkiyä 2022nçe-2023nçe yılnıñ çikläwek êksport sezonınıñ 8 aylıq çorında 1 milliard 300 million dollardan kübräk kerem täêmin itte.