Törek matbuğatına küzätü 2.05.2023

”Haber Türk” gazetı “Cirle xärbi oçqıçnıñ iseme – KAAN” isemle xäbärendä citkergänçä, Türkiyä ilbaşı milli xärbi oçqıçnıñ isemen “KAAN” dip iğ’lan itte. “KAAN” oçqıçınıñ yaqında hawada bulaçağın äytüçe Ärdoğan, “Suğış şartlarında doşmanğa kürenmiçä aña höcüm itäçäk. Bez dön’yada mondıy tördäge oçqıç citeşterä alğan 5 ilneñ berse bulaçaqbız” dide.

“Yaña Şafak” gazetı “Kiläçäk ğasırın tanıtu programması uzdı” dip xäbär itä. Türkiyä aviaśiya häm ğaläm sänäğate (TUSAŞ) ob’yektlarında “Kiläçäk ğasırın tanıtu” programması ütte. Programma qısalarında Türkiyäneñ cirle häm milli hawa transportları bergä hawağa kütäreldelär. “Atak”, “Gökbey” häm “T70” boralaqları, öyränü oçqıçı “Hürkuş” oçış - şou kürsätte.

“Hürriyet” gazetı “TEKNOFESTta rekord quyıldı” dip yaza. Dön’yadağı iñ zur aviaśiya, ğaläm häm texnologiya festivale TEKNOFESTta qatnaşuda bıyıl rekord quyıldı. Festival’gä 5 köndä 1 million yarışuçı häm 2 million yarım keşe kilde.

”Sabah” gazetı “Milli küzläw oyışmasınıñ DEAŞ operaśiyäse “ isemle xäbärendä citkergänçä, Türkiyä Süriyädä ”DEAŞ” terror oyışmasınıñ güyä atamanı Äbu Xösäyen äl- Kureysine täêsirsez xälgä kiterep terrorçılıq belän niçek köräşüen böten dön’yağa kürsätte. Milli küzläw oyışması Amerika Quşma Ştalarınınıñ “DEAŞ” belän köräş sıltawı belän “PKK/YPG” terror oyışmasına bulışuınıñ taktik xata buluın tağın ber tapqır açıp saldı.

“Vatan” basması “Antaliyağa 4 ayda 1 million 798 meñ turist kilde” dip yaza. Antaliyağa bıyılnıñ 4 ayında hawa yulı belän 1 million 798 meñ 595 turist kilde. Bu isä uzğan yılnıñ şul uq çorı belän çağıştırğanda 48%qa kübräk. 446 meñ 552 turist belän Germaniya berençe urında.

Rusiya, Angliya, Niderland, Pol’şa, İzrail, Litva, İran, Bel’giya häm Qazaqstan da şähärgä iñ küp turist cibärgän illär arasında.