Törek matbuğatına küzätü 28.04.2023

“Hürriyet” gazetı yazğança Türkiyä ilbaşı Räcäp Tayyip Ärdoğan kiçä Akkuyu Atom-töş köç stanŝiyasendä Berençe atom-töş yağulıq kiterü tantanasına turıdan-turı totaşıp, qatnaştı. Ärdoğan açıqlaw yasap, Türkiyäneñ atom-töş köç iyäse bulğan illär ligasına kütärelüen äytte.

“Sabah” basması beldergänçä Rusiyä däwlät başlığı Vladimir Putin kiçä Akkuyu atom-töş stanŝiyasendä berençe Atom-töş yağulıq kitertü tantanasında çığış yasap, Türkiyäneñ monnan soñ dön’yanıñ iñ tübän üzqıymmätle çığanaqlarınnan atom-töş ênergiyağä iyä il bulaçağın açıqladı.

“Vatan” gazetı xäbärenä kürä Ênergetika häm tabiğıy çığanaqlar ministrı Fatix Dönmez kiçä Mersindäge Akkuyu atom-töş stanŝiyasendäge tantanadan soñ açıqlaw yasap, ikençe atom-töş stanŝiyalär öçen Sinop häm Trakya şähärlärenä işarät itte.

“Star” basması citkergänçä Milli saqlanu ministrı Xulusi Akar kiçä açıqlaw yasap, Greŝiya belän problemalarnı xoquq qısalarında çişü mäs’äläsendä samimi häm citdi buluların äytep: “Ägäy diñgeze duslıq häm tınıçlıq diñgeze bulsın, baylıqlarnı ğadel räweştä büleşik,” – dide.

“Yeni Şafak” gazetı yazğança Törek hawa yulları täqdim itkän sıyfatlı xezmät standartları belän dön’yanıñ iñ ışanıçlı häm xörmätle aviaŝiya çaralarınnan berse bularaq qabul itelüçe Hawa yulları yulçı täcribäse cämğıyäte tarafınnan Awrupanıñ “İñ yaxşı küñel açu” häm Awrupanıñ “İñ yaxşı rizıq häm êçemlek” bülägenä layıq buldı.