Törek matbuğatına küzätü 27.04.2023

“Vatan” gazetı çit illärdäge törek watandaşlarınıñ bügen tawış birä başlawın citkerä.

İlbaşı häm 28nçe çaqırılış deputatlarnı saylaw öçen çit illärdä terkälgän Türkiyä watandaşlarınıñ tamğaxanä qapqalarında häm diplomatik wäkilleklärdä tawış birüläre başlandı. Ul 14nçe mayğa qadär däwam itäçäk.

“Hürriyet” gazetı Türkiyäneñ PKK terrorçı oyışması turındağı kisätüenä urın birä.

İlbaşı idaräse süzçese İbrahim Kalın Süriyäneñ tön’yağında PKK terrorçılığın qanunlaştırırğa mataşuçılarğa reakśiyä belderde. “Açıqtan-açıq äytäbez, PKK häm anıñ variantları qayda ğına bulsalar da, nindi bayraq astına qaçsalar da, bezneñ öçen tögäl häm xaqıbız bulğan nişan.  Bez terrorçılıqnıñ här törlese belän här cirdä suğışaçaqbız,”-dide ul.

“Sabah” gazetı: “Texnofest dulqınlanuı başlana” dip yaza

Täwge tapqır 2018nçe yılda uzdırılıp millionnarça texnologiyä söyüçene bergä cıyuğa ireşkän dön’yadağı iñ zur aviaśiya, ğaläm häm texnologiyä festivale bügen 7nçe tapqır İstanbul Atatörek aêroportında başlana. Texnofest 1nçe mayğa qadär däwam itäçäk.

“Yeni Şafak” gazetı Türksat 6A iyärçeneneñ 2 milliard keşegä ireşäçäge turında xäbär itä.

Türkiyäneñ fänni häm texnologik tikşerenü oyışması TÜBİTAK räise Xäsän Mandal Türkiyäneñ täwge cirle häm milli xäbärläşü iyärçene Türksat 6Anıñ yıl axırında yäisä 2024neñ başında ğalämgä oçırtılaçağın belderde. Ul geografik häm keşe sanı yağınnan yoğıntı mäydanınıñ kiñäyü dä äytte. “Türksat 6A 2 milliard keşegä ireşäçäk,”-dide Xäsän Mandal.

“Haber Türk” gazetı yazğança, Türkiyägä 1 million 100 meñ keşe çäç küçerep utırtu häm plastik xirurgiyä öçen kilde.

2022nçe yılda Türkiyägä 1 million 860 meñ tiräse keşe däwalanu öçen kilde. Çäç küçerep utırtu häm plastik xirurgiyä öçen kilüçelär isä 1 million 100 meñ. Monnan tış ilgä onkologiyädän däwalanu, yöräk-qan tamırları, baş miye xirurgiyäse häm başqa operaśiyälär, fizik däwalaw häm ÊKG yulı belän balağa uzu şikelle bik küp mediśina xezmätläre öçen möräcäğat’ itelgän.