Törek matbuğatına küzätü  24.04.2023

 “Yeni Şafak” gazetı “İldä 23 nçe aprel’ bäyräme“ isemle yazmasında citkergänçä, Türkiyä Böyek Millät Mäclese açılunıñ 103 yıllığı häm 23 nçe aprel’ – Milli möstäqil’lek häm balalar bäyräme il külämendä bilgeläp ütelde. Bäyräm uñayınnan Türkiyäneñ 81 şähärendä tantanalar buldı. Ul yäkşämbe häm Uraza bäyrämenä turı kilgängä kiçä başlanğan bäyräm qotlawları bu atnada da däwam itäçäk.

”Haber Türk” basması “Dön’yadağı berençe qorallı pilotsız hawa apparatın yörtüçe “TCG Anadolu” korabı ilbaşın sälamläde” dip yaza. Dön’yadağı berençe qorallı pilotsız hawa apparatın yörtüçe “TCG Anadolu” korabı 23 nçe aprel’ – Milli möstäqil’lek häm balalar bäyrämendä Bosfor buğazı aşa ütte. Bosfor kiçüe waqıtında köymädän 21 tup atıldı häm şulay uq ilbaşı Räcäp Tayyip Ärdoğanğa sälam birdelär.

”Sabah” gazetı “Kürkämlek häm ğorurlıq” isemle xäbärendä citkergänçä, Türkiyä ilbaşı Ärdoğan üzläreneñ iñ zur xıyalı –“TCG Anadolu” proyektın tormışqa aşıruları turında äytte. Ul kiläse maqsatnıñ zurraq “TCG Anadolu” korabı tözü buluına basım yasap, “Bu tema xaqında ispannar häm inglizlär belän söyläşülär buldı. Söyläşülär näticäsendä ike yaqtan da uñay cawap aldıq” dide.

”Star” gazetı “Germaniya säyäsätçese Türkiyäne maqtadı” dip xäbär itä. Germaniya säyäsätçese häm yazuçı Kristof Xörstel’ Türkiyäneñ bäysez säyäsäten ürnäk itep kürsätte. Xörstel’ Vaşingtonnan bäysez bulıp qalu öçen Germaniyäneñ Türkiyä kebek säyäsät alıp barırğa tiyeşlegen belderep, Awrupanı döres yulğa alıp baraçaq däwlät êşlekleseneñ Türkiyä ilbaşı Räcäp Tayyip Ärdoğan bulaçağın äytte.

“Hürriyet” gazetı “Forbes”nıñ TB2 añlatması” isemle yazmasında citkergänçä, dön’yanıñ küp illärenä êksportlanğan, suğışta häm tınıç şartlarda wazıyfa başqara alğan Türkiyäneñ qorallı pilotsız hawa apparatları bu yulı Amerika matbuğatı kön tärtibendä urın aldı. Türkiyä saqlanu sänäğateneñ äydäp barucı şirkätläreneñ berse bulğan “Baykar” citeştergän dron’narğa iğ’tibar yünältüçe “Forbes” jurnalı alar xaqında analiz bastırdı. “Türkiyä dron’ sänäğate yıllar êçendä dönyanıñ distälägän illäre sorağan “Bayraktar TB2” drone belän kütärelde” diyelä jurnaldağı analizda.