Törek matbuğatına küzätü 18.04.2023
18nçe aprel' könne çıqqan qayber törek gazetlarına küzätü
“Haber Türk” gazetı İstanbul finans üzäge açıluın citkerä.
İstanbul finans üzäge proyektında banklar êtabı başlandı. İlbaşı Räcäp Tayyip Ärdoğan tantanada yasağan belderüendä: “Bu üzäkneñ töp qıymmäte, niqadär strategik häm aldan kürüçän proyekt buluı kiläse yıllarda tağın da yaxşıraq añlaşılaçaq” –dide.
“Star” gazetı ministr Akarnıñ belderüenä urın birä.
Türkiyä milli saqlanu ministrı Xulusi Akar kiçä terrorçı oyışma PKKnıñ Süriyäneñ tön’yağında yasağan häm 4 ğaskäri yaralanğan höcümenä şunda uq cawap birelüen häm 12 terrorçınıñ täêsirsez xälgä kiterelüen belderde.
“Hürriyet” gazetı Qara diñgez gazındağı soñğı êtap turında xäbär itä.
Türkiyä ênergetika häm tabiğıy çığanaqlar ministrı Fatix Dönmäz Qara diñgez gazınıñ cirgä çığarıluındağı soñğı êtap turında bolay dide: “Kiçäge tönnän başlap tabiğıy gaz qoyılarınıñ bigen açtıq häm töp ütkärgeçlärgä gaz qudıra başladıq. Maqsatıbız pänceşämbe könne cirgä qadär çığaru”.
“Sabah” gazetı AQŞnıñ Türkiyä öçen çığarğan F-16 belän bäyle qararı turında yaza.
AQŞ däwlät departamentı Türkiyädäge F-16 xärbi oçqıçlarnıñ êlemtä sisteması bulğan Link-16 taktik mäğ’lümat bäyläneşe çeltäreneñ zamança cıyılmasınıñ satıluına röxsät birüen Kongressqa citkerde.
“Vatan” gazetında ministr Varanknıñ İMECE iyärçene turındağı belderüe çıqtı.
Türkiyä sänäğat’ häm texnologiyä ministrı Mostafa Varank: “İMECE iyärçenebezneñ cirlelek däräcäse 90%qa citte. Çönki bez anıñ êçendäge cihazlarnı da üzebez citeşterdek,”-dide.
