Törek matbuğatına küzätü 17.04.2023

“Star” gazetı Türkiyä ilbaşı Ärdoğannıñ “Dön’yada bezneñ kebek yuq” digän süzlären alğı planğa çığara.

Türkiyä ilbaşı Räcäp Tayyip Ärdoğan 650 meñ yaña toraq tözep 1 yıl êçendä cir teträw bulğan töbäklärne ayaqqa bastıraçaqların söyläde.“Xätta bäyrämdä tözeleşe tögällängän berençe awıl öylären xucalarına tapşıraçaqbız. Dön’yada şulqadär külämle hälakättän soñ barı 2 ay yarım uzuğa watandaşlarğa öylären birä alırlıq başqa däwlät yuq. Başqa idarä dä yuq”,- dide ilbaşı Ärdoğan.

“Yeni Şafak” gazetı “TGC Anadolu” Sarayburnuna yaqınlaştı” dip yaza. Dön’yadağı qorallı pilotsız hawa apparatın yörtüçe berençe köymä “TCG Anadolu” Sarayburnuna yaqınlaştı. Sarayburnu portındağı köymäne 17 nçe aprel’dä 13.00 -18.00 säğat’lär arasında,18 nçe aprel’dän 23 nçe aprel’gä qadär  10.00-18.00 säğat’lär arasında kilep qararğa mömkin.

”Hürriyet” gazetı “Togg” dön’ya bazarına çığarğa äzerlänä” dip xäbär itä. Türkiyäneñ cirle avtomobile “Togg”nı çitkä çığarınu planlaştıruda töp maqsat - Awrupa bazarında üz süzen äytä alırlıq wäzğıyät’kä ireşü. Şirkät kiñ taralğan zaraydkalı asqorma sistemasın buldırıp, 2024 nçe yılda global’ êlektr maşinaları bazarına kerergä cıyına. “T10X” modele gigant brendlar belän köndäşlek itü öçen berençe çiratta cibäreläçäk.

”Sabah” gazetı “İMECE” iyärçene Greśiya matbuğatında” isemle yazmasında citkergänçä, Greśiya matbuğatı Türkiyäneñ berençe küzätü iyärçene “İMECE”gä zur qızıqsınu kürsätte. “Katimerini” gazetı iyärçenneñ 680 çaqrımlıq orbitada bulaçağın häm saqlanu, afätlär belän idarä itü, äylänä - tirä moxit, şähär tözeleşe, awıl häm urman xucalığı ölkälärendä xezmät itäçägen yazdı.

“Haber Türk” gazetı “Maqsat - Ayvalıkta 450 meñ turist” isemle xäbärendä yazğança, Balıkesirneñ turizm üzäkläreneñ berse bulğan Ayvalık cirle xakimiyäte başlığı Mäsut Ärgin “Bez 2022 nçe yılda 300 meñ cirle häm çit il turistın qabul ittek. Bıyıl bu kürsätkeçne 50%qa arttırığa uylıybız” dide. Ayvalık mädäniyäte,diñgeze, qomı, qoyaşı belän turizm öçen möhim üzäk.