Törek matbuğatına küzätü 13.04.2023

“Sabah” gazetı yazğança 14 may könne uzaçaq ilbaşı häm xalıq ışanıçlıları saylawı dön’yanıñ kön tärtibennäñ töşmi. Türkiyä ilbaşı Räcäp Tayyip Ärdoğan tarafınnan iğlan itelgän Ğadellek häm üseş partiyaseneñ saylaw bäyannamäse dön’ya matbuğatında urın aldı. BBC Ärdoğannıñ yaña wägdälär belän üz köçen kürsätüen yazdı.

“Star” basması beldergänçä Türkiyäneñ 50 qorallı keşesez hawa apparatın “TCG Anadolu” köymäsenä urnaştırıp, dön’yada berençe buluın yazğan Angliya mediası bolay dip belderde: “Türkiyä diñgez tarixına da yaña konŝept qazandırırğa äzerlänä.”

“Vatan” gazetı xäbärenä kürä berençe bulıp Törkiyä ilbaşı Räcäp Tayyip Ärdoğan häm xäläl cefete Äminä Ärdoğanğa tapşırılğan Türkiyäneñ berençe êlektrlı avtomobile “Togg” Azärbaycannan soñ Törki dön’yanıñ yöräge bulğan Üzbäkstanğa barıp ireşte.

“Yeni Şafak” basması citkergänçä “Roketsan” şirkäte Latin Amerika töbägendäge iñ möhim saqlanu häm iminlek sänägäte çaralarınnan bulğan LAAD Saqlanu häm Qurqınıçsızlıq yärminkäsendä qatnaşa.

“Hürriyet” gazetı yazğança Mädäniyät häm turizm ministrı Mäxmät Nuri Ersoy Xalıqara Könçığış Urta diñgez turizm yärminkäseneñ açılış programmasında Türkiyä turizmına tuqtalıp: “Bez iñ küp turist qabul itkän 3nçe il buldıq”, - dide.