Төрeк мaтбугaтынa күзәтү - Törek matbuğatına küzätü 23.03.2023

“Xäbärtürk” gazetı: "Ärdoğan: “Aşlıq koridorında Türkiyäneñ uñışı härkemneñ telendä”"

İlbaşı Räcäp Tayyip Ärdoğan şäxsi ber televideniye kanalında Qara diñgez aşlıq koridorı kileşüe belän bäyle bularaq: "Rusiyä-Ukraina suğışında aradaşçı il bularaq xäzerge waqıtta barmaq belän kürsätelgän berdänber il Türkiyä. Bez bolay da dönyada qabul iteldek bu mäs’älädä. Qara diñgez aşlıq koridorı waqıyğasında Türkiyäneñ uñışı härkemneñ telendä," – dip äytte.

“Star” gazetı: "Türkiyädän İzrailğa gäyıpläw"

Tışqı êşlär ministrlığı İzrailneñ Ğazzä sızığınnan çigenüe häm Yordannıñ könbatış üzänlegendä qayber qanunsız toraqlarnıñ küçerelüe turındağı qanunnı ğamäldän çığaruın küzdä totqan üzgäreşlärne kertüen gäyıpläde.

“Sabah” gazetı: "Törek flotınıñ köçenä köç östäyäçäk" isemle yazmasında citkergänçä,

Törek saqlanu sänäğäteneñ lider şirkätlärennän “ASELSAN” su astı saqlanu sistemalarındağı täcribäse belän Törek diñgez köçläre öçen su astınnan tämegenä, maqsatına taba tawışsız xäräkät itüçe “avtonom su astı apparatı”n êşläp çığardı.

“Xörriyät” gazetı: "İstanbul hawa mäydanına ber-ber artlı 3nçe tapqır “Yıl aêroportı” büläge"

İstanbul hawa mäydanı dönya aviaśiya tarmağınıñ aldınğı basmaları arasında kürsätelgän “Air Transport Awards” büläklärendä 2021nçe häm 2022nçe yıldan soñ bıyıl da “Yıl aêroportı” itep saylandı.

“Yäni Şafak” gazetı: "Mäsut Özil futbolnı qaldıruın belderde"

2021nçe yılda Angliya “Premier Liga” törkeme “Arsenal”dan “Fänärbahçä”gä küçkän häm soñğı tapqır “Başakşähir” formasın kigän Mäsut Özil aktiv futbolçılıq kar’yerasın tögälläde.