Törek matbuğatına küzätü 10.03.2023

“Haber Türk” gazetı yazğança Türkiyä Böyek Millät Mäclese başlığı Mostafa Şentop dön’yada tınıçlıq urnaştıra almawçı Berläşkän Millätlär Oyışması İminlek Şurası strukturasın üzgärtü kiräklegen belderde. Şentop: “Barlıq illärne qızıqsındıruçı mäs’älälärdä 5 ilneñ qarar birüen qabul itep bulmıy. Bu däwam itä almıy,” – dide.

“Vatan” basması beldergänçä Türkiyäneñ tışqı êşlär ministrı Mäwlüt Çavuşoğlu 6 fevral’ könge cir teträwlärdän soñ kürsätelgän köçle xalıqara yärdämläşüneñ Türkiyägä köç birüen äytte. Ministr Çavuşoğlu: “Kiläse çordağı tuparlanu häm qabat tözekländerü barışlarında Awrupa Berlege belän xezmättäşlegebezne däwam itteräçäkbez,” – dide.

“Sabah” gazetı xäbärenä kürä Milli saqlanu ministrı Hulusi Akar Rusiyä-Ukraina suğışı arqasında azıq-tölek krizisı riskınıñ beterelüe öçen Türkiyäneñ tırışlıqları belän barlıqqa kiterelgän häm waqıtı 18 martta tulaçaq aşlıq koridorınıñ däwamına qarağan êşçänleklärneñ alıp barıluın belderde. Ministr Akar Rusiyä häm Ukrainanıñ mäs’älägä uñay qarawların açıqladı.

“Yeni Şafak” basması citkergänçä êksportta täwäkkällek belän yulın däwam itterüçe Türkiyä Soğud Ğaräbstanına satu êşlärendä dä zur alğarışlar kürsätä. Türkiyäneñ Soğud Ğaräbstanına êksportı ğıynwar-fevral’ çorında uzğan yılnıñ şul uq aylarına kürä 32 tapqırğa artıp, 11 million 209 meñ dollardan 367 million 363 meñ dollarğa kütärelde.

“Star” gazetı yazğança nemeŝlar yal öçen Türkiyäne saylıy. Alman säyäxät agentlıkları assoŝiaŝiyase başlığı Norbert Fiebig bolay dip belderde: “Dekabr’, ğıynwar, fevral’ aylarında köçle rezervaŝiyalär aldıq. Törek partnyerlarıbız häm duslarıbız öçen Türkiyäneñ berençe urında buluı bik yaxşı.”