Төрeк мaтбугaтынa күзәтү - Törek matbuğatına küzätü 09.03.2023

“Star” gazetı: “BMO: “Xäzer bezneñ yumart buluıbız kiräk””

Awrupa Berlege 16nçı martta Bel’giya başqalası Bryussel'dä Türkiyä öçen donorlar konferenśiyäsenä äzerlängän çaqta Berläşkän Millätlär Oyışması üseş programması wäkile Louisa Vinton çaqıru yasadı. Vinton: “Türkiyäneñ süriyälelärgä kürsätkän yumartlıqnı xäzer inde bezneñ cirteträlärdän zıyan kürgän Türkiyägä kürsätü waqıtı,” – dip äytte.

“Sabah” gazetı: “BMO: “Türkiyä şundıy qısqa waqıt êçendä zur êş başqardı”"

Ğasırnıñ fäläqäte kiterep bärgän Adıyamanda cirteträwdän zıyan kürüçelär qalaçaq waqıtlı konteyner şähärçegen qarawçı Berläşkän Millätlär Oyışması afat bäyäläw häm koordinaśiya (UNDAC) törkeme tözelgän konteyner şähärçek öçen “6 kön kebek bu qadär qısqa waqıt êçendä iskitkeç zur êş,” – dip bäyäläw yasadı. Adıyamanda tulı cihazlandırılğan 500 konteynerlek şähärçek salındı. Konteyner sanınıñ ber ay êçendä 1 meñ 817gä citkerelüe maqsat itelä.

“Xörriyät” gazetı: “Finlyandiya belän Şveśiyanıñ belderüläre anıq adımnarğa äylänergä tiyış”

Şveśiya häm Finlyandiyanıñ NATOğa äğ’za bulu barışları belän bäyle bularaq söyläşüçe (törek) diplomatik çığanaqları: “Qayber qanunnardağı üzgäreşlär häm açıqlawlar anıq adımğa äylänergä tiyış,” – dip belderde. İke ildän dä terrorçılıqnı finanslaw, keşe yallaw, propaganda, terror êşçänlege belän bergä bolarnıñ totqarlanıluına qağılışlı tögäl adımnar kötelä.

“Xäbär Türk” gazetı: “Awıl xucalığı êksportında rekord”

Türkiyäneñ awıl xucalığı tarmağı 5 milliard 434 million dollar belän böten waqıtlarnıñ iñ yuğarı ğıynwar-fevral’ êksportın tormışqa aşırdı. Yılnıñ berençe 2 ayında 2022nçe yılnıñ şuşı uq çorına qarağanda 2,7%qa artqan awıl xucalığı êksportı Türkiyäneñ tuplam tışqı satudan da 16,2% öleş aldı.

“Yäni Şafak” gazetı: “TOGG öçen sanawlı könnär qaldı”

Türkiyäneñ berençe cirle häm êlektrlı avtomobile “Togg”nı tanıtu çarası waqıtında berençe tapşırunıñ mart azağında yasalaçağı iğ’lan itelgän ide. “Togg C-SUV”nıñ şuşı ayda satuğa täq’dim iteläçäge häm ay axırında yullarda buluı kötelä. “TOGG”nıñ aldan zakaz birü barışı / yaqın arada “TOGG” räsmi web saytı häm “Trumore” mobil’ quşımta aşa başlatılaçaq.