Törek matbuğatına küzätü  8.03.2023

“Haber Türk” basması Kön’yaq Koreya däwlät başlığınıñ  Türkiyä belän “çın qardäş il” bulularu turında äytüen citkerä.

Kön’yaq Koreya däwlät başlığı Yun Sok Yel’ 6 nçı fevral’dä êpiśentrı Kahramanmaraş bulğan cir teträwlärdän soñ êzläw-qotqaru êşlärendä qatnaşqan Koreya afätlärdä yärdäm törkeme belän oçraştı. “Bezneñ yärdämnärebez ike ilneñ çın qardäş ,tuğandaş il buluın kürsätüçe simvol bulaçaq” dide ul.

“Sabah”gazetı citkergänçä,BMO Türkiyädäge cir teträwlär arqasında kiterelgän zıyan 100 milliard dollardan artıp kitäçäk dip farazladı.

Berläşkän Millätlär oyışması Üseş programmasınıñ Türkiyädäge daimi wäkile Luiza Vinton Türkiyädä cir teträwlär kiterep çığarğan zıyannıñ 100 milliard dollardan artıp kitäçäge farazlana dip belderde.

“Hürriyet” gazetı “Qızıl alma AQŞ mediasında” dip yaza.

“Baykar” şirkäte êşläp çığarğan häm 23 nçe ğıynwarda ikençe sınaw oçışın uñışlı tämamlağan Türkiyäneñ milli pilotsız xärbi oçqıçı “Qızıl alma” AQŞ massaküläm mäğ’lümat çaralarında kiñ çağılış taptı. “Business Insider” beldergänçä, “Qızıl alma” Türkiyäneñ pilotsız dron’ industriyäseneñ iñ yuğarı noqtası bulırğa mömkin.

 “Yeni Şafak” basması “Biş tarmaq êksportta rekord quydı” dip xäbär itä.

Türkiyädä cir teträwlärdän zıyan kürgän vilayät’lärdä citeşterü häm iq’tisadıy êşçänlekneñ özelüenä qaramastan sänäğat’täge 5 tarmaq (kün häm künnän êşlänmälär, avtomobil’ sänäğate, êlektr häm êlektronika, asıltaşlar, kondiśioner sänäğate) xäzergä qadärge iñ yuğarı ğıynwar- fevral’ êksportın tormışqa aşırdı.

“Star” gazetı “İstanbul aêroportınnan tağın ber ğorurlıq” isemle yazmasında cikergänçä, İstanbul aêroportı Xalıqara hawa mäydannarı şurası (ACI World) häm Amadeus säyäxät texnologiyäse şirkäteneñ yulçılar täcribäsenä nigezlänep ütkärgän anketada dön’yadağı iñ yaxşı aêroportlar isemlegenä kerde.