Төрeк мaтбугaтынa күзәтү - Törek matbuğatına küzätü 28.02.2023
28нчe февральдә бaсылып чыккaн кaйбeр төрeк гaзeтлaрынa күзәтү / 28nçe fevraldä basılıp çıqqan qayber törek gazetlarına küzätü
“Xörriyät” gazetı: “İlbaşı Ärdoğannan Adıyamanda belderü”
İlbaşı Räcäp Tayyip Ärdoğan Kahramanmaraş êpiśentrlı cirteträwlärdän soñ kitkän Adıyamanda: "Dön’yada bu qadär kiñ mäydanda, bik küp keşe täêsirlängän zur fäläqätkä duçar bulıp, bezneñ qadär tiz torğızıla alınğan başqa il bulmağandır,” – dip äytte.
“Xäbär Türk” gazetı: “Tışqı êşlär ministrı Çavuşoğlu Misırlı wazıyfadaşı Şukri belän Adanada oçraştı”
Tışqı êşlär ministrı Mäwlüt Çavuşoğlu Misır tışqı êşlär ministrı Samih Şukri belän kiçä oçraştı. Ministr Çavuşoğlu: "Türkiyä belän Misır arasındağı mönäsäbätlärneñ üseş aluı här ike taraf öçen dä faydalı,” – dide.
“Sabah” gazetı: “Törek xalqınıñ köçe dönyanıñ könüzägendä”
Kiçä Malat’yada barlıqqa kilgän cirteträwdän soñ dönya könüzägendä qabat Türkiyä bar ide. Bik küp xalıqara xäbär agentlığı, Türkiyäneñ yaña zilzilä belän tetränüenä iğ’tibarnı yünältep, törek xalqınıñ yäşängän böten fäläqätlärgä qaramastan ömeten yuğaltmawın häm cimereklär arasında da xätta sulış alırğa däwam itüen citkerde.
“Star” gazetı: “BMO keşe xoquqları şurası utırışı cirteträwlärdä ğomere özelüçelär öçen ber minutlıq tın alu belän başlandı”
Berläşkän Millätlär Oyışması keşe xoquqları şurasınıñ 52nçe utırışı kiçä 6nçı fevral’da barlıqqa Kahramanmaraş êpiśentrlı cirteträwlär arqasında Türkiyädä häm Süriyädä häläq buluçılar öçen ber minutlıq tın alu belän başlandı.
“Yäni Şafak” gazetı: “Türkiyä statistika oyışması tışqı säwdä statistikasın açıqladı”
Türkiyä statistika oyışması (TÜİK) 2023nçe yılnıñ ğıynwar ayında êksportnıñ uzğan yılnıñ şuşı uq ayına qarağanda 10,3%qa artuın belderde.
