Төрeк мaтбугaтынa күзәтү - Törek matbuğatına küzätü 09.02.2023

“Star” gazetı: "Ärdoğan: “Böten mömkinleklärebezne mobilizaśiyälädek”"

İlbaşı Räcäp Tayyip Ärdoğan Älbistan häm Pazarcık êpiśentrlı cirteträwlärdän täêsirlängän töbäklärgä baru öçen Kahramanmaraşqa kitte. Çatır şähärçegendä bulğan Ärdoğan: "Böten mömkinleklärebezne mobilizaśiyälädek. Böten vilayätlärebezdä ministrlarıbız belän bergä operaśiyälärneñ koordinaśiyasın alıp barabız,” - dide. İlbaşı Ärdoğan cirteträwdän täêsirlängän Hatay belän Adanağa da bardı, êzläw-qotqaru êşçänlege turında mäğ’lümat aldı.

“Xörriyät” gazetı: "Koca: “10 vilayätebezdä 77 qır xastaxanäsen urnaştırdıq"

Sälamätlek saqlaw ministrı Fahrettin Koca: "10 vilayätebezdä 77 qır xastaxanäsen urnaştırdıq. Aşığıç sälamätlek saqlaw xezmäte kürsätelgän bu xastaxanälärneñ ber öleşendä xirurgiya operaśiyälären dä yasıy alabız,” – dip äytte.

“Yänişafak” gazetı: "Yapon professorı Şinji: “Türkiyädäge cirteträw dönyanıñ iñ zur “qorı cir zilziläsennän” berse"

Yapor cirteträw belgeçe professor Şinji Toda Kahramanmaraş êpiśentrlı cir teträwlärneñ dönyada qorı cirdä barlıqqa kilgän iñ zur cir teträwlärdän buluın belderep: "Kötelmägän zur ber zilzilä ide,” – dip äytte.

“Xäbärtürk” gazetı: "Bötendönya sälamätlek saqlaw oyışması iñ yuğarı däräcä bulğan 3nçe däräcä ğadättän tış xäl iğ’lan itte"

Bötendönya sälamätlek saqlaw oyışması Kahramanmaraş cirteträwennän soñ iñ yuğarı ğadättän tış xäl bularaq bäyälängän 3nçe däräcä ğadättän tış xäl iğ’lan itte. 3nçe däräcä ğadättän tış xäl – Bötendönya sälamätlek saqlaw oyışmasınıñ böten üz mömkinleklären mobilizaśiyäläw mäğ’näsenä turı kilä.

“Sabah” gazetı: "Dön’yaküläm tanılğan sänğätçelärdän Türkiyägä teläktäşlek yullamaları"

Russell Crowe, Antonio Banderas, Dua Lipa, Bella Hadid, Hugh Jackman, Jennifer Garner häm Demi Lovato kebek isemnär belän bergä dönyaküläm tanılğan sänğätçelär sośial’ media akkauntlarınnan urtaqlaşqan yazmaları belän zilzilä belän teträngän Türkiyägä teläktäşlek belderde.