Törek matbuğatına küzätü 13.01.2023

“Haber Türk” gazetı yazğança Türkiyä ilbaşı Räcäp Tayyip Ärdoğan yasalğan adımnar belän Türkiyäneñ fän, texnologiya, citeşterüneñ möhim üzäklärennän bersenä äylänüen belderde. Ärdoğan qullarındağı mömkinleklär häm çığanaqlarnı bar keşelek xezmätenä täqdim itäçäk añlayış belän xezmät kürsätäçäklären assızıqladı.

“Hürriyet” basması beldergänçä Şveŝiyadä PKK/YPG terror oyışması tarafdarı bulğan ber törkem provokaŝiyağa kereşep, Türkiyä liderı Ärdoğannı häm Türkiyäne maqsat itep aldı. Törek säyäsätçeläre waqıyğanı ğayepläp, NATOğa quşılırğa teläwçe Şveŝiyadän terrorçılıqqa qarşı köräş mäs’äläsendä birgän süzlären cirenä citkerüen häm cawaplılar xaqında tiyeşlesen başqaruın soradı.

“Sabah” gazetı xäbärenä kürä Tışqı êşlär ministrlığına çaqırılğan Şveŝiyaneñ Änkaradağı ilçese Staffan Xerströmğa ileneñ başqalası Stokgol’mda PKK tarafdarlarınıñ Türkiyä ilbaşı Räcäp Tayyip Ärdoğannı maqsat itep alğan propagandası belän bäyle Türkiyäneñ reakŝiyase belderelde. İlçegä Türkiyäneñ kötkännäre dä citkerelde.

“Watan” basması citkergänçä Stokgol’mda PKK/YPGneñ Türkiyä ilbaşı Räcäp Tayyip Ärdoğan häm Türkiyäne maqsat itep alğan terror höcümennän soñ Şveŝiya Parlamentı başlığı Andreas Norlennıñ 17 ğıynwarda Türkiyägä planlanğan räsmi säfäre Türkiyä Böyek Millät Mäclese Mostafa Şäntop tarafınnan ğamäldän çığarıldı.

“Star” gazetı yazğança Tışqı êşlär ministrı Mäwlüt Çavuşoğlu Liviya xökümäteneñ gidrokarbon kileşüeneñ artında toruın Türkiyägä citkerüen açıqladı. Tripolidağı Yuğarı mäxkämä Liviya xökümäte belän Änkara citäkçelege arasında neft’ häm gaz êzläw êşçänlekläre belän bäyle imzalanğan ênergiya kileşüen tuqtatqan ide. Türkiyä Liviyada tüntäreleşçe Xafter citäkçelegen tügel, ä Berläşkän Millätlär Oyışması da legal’ itep kürgän Liviya Milli Berlek Xökümäten tanıy.