Törek matbuğatına küzätü 10.01.2023

“Haber Türk” gazetı Ärdoğannıñ saqlanu êksportındağı rekord turında belderüenä urın birä.

İlbaşı Räcäp Tayyip Ärdoğan Türkiyäneñ saqlanu êksportınıñ uzğan yıl 4 milliard 400 million dollar belän rekord yasawın citkerde. “Bıyıl milli xärbi oçqıçıbıznı angardan çığaraçaqbız. Dön’yadağı berençe qorallı keşesez hawa apparatı korabı Anadolunı da bıyıl qullanılışqa tapşıraçaqbız,”-dide ul.

“Vatan” gazetı “Milli xärbi oçqıçnıñ berençe oçışı irtäräk bulaçaq” dip yaza.

Milli xärbi oçqıçnı yasaw kötelgännän irtäräk tögällände. Anıñ oçışı 2025nçe yılğa planlaştırılğan ide. Törek aviaśiya-ğaläm sänäğate ğomum mödire Tämäl Kotil älege datanıñ tağın da irtäräk bulaçağın citkerde. “Milli xärbi oçqıç 2023nçe yıl axırlarında oçaçaq,”-dide ul.

“Yeni Şafak” gazetı Türkiyädän AQŞqa rekord külämdäge êksport turında xäbär itä

Türkiyäneñ AQŞqa êksportı uzğan yıl 14 milliard 362 million dollar buldı. Bu, annan aldağı yıl belän çağıştırğanda, 1 milliard 520 million dollarğa kübräk. Şulay itep, AQŞ Türkiyädän iñ küp tovar satıp aluçı ikençe il buldı. Berençe urında -Rusiyä.

“Sabah” gazetı Türkiyäneñ milli avtomobile Toggqa şaqtıy illärdän täq’dimnär kilüen citkerä.

Sänäğat’ häm texnologiyä ministrı Mostafa Varank AQŞta dön’yadağı iñ zur qullanuçı êlektronikası kürgäzmäsendä Toggnıñ stendın barıp qaradı. “Yaqın Könçığıştan, Awrupadan “bu maşinanı niçek alıp bula, niçek filialın aça alabız” dip qızıqsınuçılar küp,”-dide ministr anda.

“Star” gazetı “Dön’ya gigantınıñ milliard dollarlıq qararı” dip yaza.

Qıtaynıñ êlektron säwdä gigantı Alibaba Türkiyädä 1 milliard dollardan zurraq investiśiyä yasarğa planlaştıruın belderde. Anıñ bötendön’ya räise Maykl Êvans “Türkiyädä zur citeşterü köçe bar. Dön’yada bu nisbättän iñ östenlekle däwlät Türkiyä” dide.