Törek matbuğatına küzätü 09.01.2023

“Haber Türk” gazetı yazğança Türkiyä ilbaşı Räcäp Tayyip Ärdoğan yäş’lärneñ kiläçäkneñ täêminatı buluın äytte. Ärdoğan kiçä İstanbulda yasağan çığışında yäş’lär belän ğorurlanuın belderep, Türkiyäneñ ğasırlar buyı qorılğan xıyallarnı çınbarlıqqa äyländeräçäk yäş’lärgä amänät iteläçägen citkerde.

“Star” basması beldergänçä Sänägät’ häm texnologiya ministrı kiçä Könküreş êlektronikası yärminkäse CES 2023tä qatnaşır öçen kitkän Amerika Quşma Ştatlarındağı söyläşüläre qısalarında Toggnıñ stendına bardı. ministr Varank biredä açıqlaw yasap: “Toggnıñ Türkiyädä satışqa çıqqannan soñ 2 yıl êçendä êksportnı başlatu maqsatı bar. Xäzerge waqıtta dön’yanıñ törle illärennän taläplär kilä. Yaqın Könçığıştan, Urta Aziyadan, Awrupadan zur qızıqsınu bar,” – dide.

“Watan” gazetı xäbärenä kürä Türkiyäneñ Germaniyağa êksportı uzğan yılnı 18 milliard 910 million dollar belän iñ yuğarı däräcäsenä citte. Germaniyağa 2022 yılda iñ küp êksportnı 4 milliard 390 million dollar belän avtomobil’ sänägäte çınğa aşırdı.

“Yeni Şafak” basması citkergänçä Şanlıurfada 12 meñ yıllıq ütkäne belän tarixnıñ başlanğıçı bulıp sanaluçı häm YUNESKOnıñ Dön’ya mirası isemlegendä urın aluçı Göbeklitepene 2022dä 850 meñ keşe gizde.

“Sabah” gazetı yazğança Vengriyada oyıştırılğan Qısqa distanŝiyadä timerayaqta yögerü (Short track)neñ Challenge Seriyase 2 Pannonia Open yarışında törek sportçısı Möxämmäd Bozdağ kömeş medal’ aldı.