Törek matbuğatına küzätü 6.01.2023

 “Hürriyet” gazetı “Ärdoğan liderlar belän söyläşte, utnı tuqtatı qararı çıqtı” dip yaza.

 Türkiyä ilbaşı Räcäp Tayyip Ärdoğan kiçä Rusiya däwlät başlığı Vladimir Putin häm Ukraina ilbaşı Volodimir Zelenskiy belän söylaşkännän soñ Kreml’dän utnı tuqtatu belderüe yasaldı. Anda äytelgänçä, Rusiya 6-7 ğıynwarda Ukrainada utnı tuqtatu iğ’lan itä.

 “Star” basması “11 yıldan soñ Dimäşq’ belän yuğarı däräcädäge êlemtä” isemle xäbärendä citkergänçä, Türkiyä ilbaşı Räcäp Tayyip Ärdoğan Süriyä belän mönäsäbätlärne cayğa salu barışı turında “Rusiya – Türkiyä – Süriyä prośessın başladıq. Tışqı êşlär ministrları oçraşuınnan soñ wäzğıyät’kä qarap lidrerlar oçraşaçaq“dide.

“Haber Türk” gazetı “Törek Qorallı Köçläre dön’yada iñ köçle 11 nçe armiya” dip xäbär itä.

AQŞta urnaşqan xalıqara xärbi köç mäğ’lümatların analizlağan “Global Firepower” saytı 2023 nçe yıl isemlegen bastırıp çığardı. Anda 145 il armiyäseneñ texnologik üseşe, keşe köçe, qırda ozaq qalu häm xäräkät säläte kebek üzençäleklär isäpkä alınğan. Türkiyä reytingta üz urının saqlap qaldı häm 2022 nçe yıldağı kebek 11 nçe urında.

“Yeni Şafak” basması “İke şähärgä ber yılda 16 millionnan artıq turist kilde” isemle xäbärendä yazğança, uzğan yıl Türkiyäneñ turizm üzäklärennän Antaliyağa hawa yulı belän 13,5 milion, Muğlağa isä 3 million tiräse turist kilde.

“Sabah” gazetı Türkiyä transport häm asqorma ministrı Adil Karaismailoğlunıñ “2022 nçe yılda Türkiyägä kruiz köymäläre belän kilgän yulçı sanı 1 millionnan arttı” digän süzlären uquçıları belän urtaqlaşa.