Törek matbuğatına küzätü 5.01.2023

 “Haber Türk” gazetı ilbaşı Ärdoğannıñ “Türkiyä ğasırın millätebez belän töziyäçäkbez” digän süzlären alğı planğa çığara.

 Türkiyä ilbaşı Räcäp Tayyip Ärdoğan yäş’lärgä Türkiyä ğasırı maqsatlarına taba bara alırlıq il qaldırırğa teläwlären äytte. “İlebezneñ säyäsi, diplomatik,xärbi köçen arttıraçaqbız. Êşlägännärebez belän genä qanäğät’ bulmayaçaqbız, tağın da kübräkne êzläyäçäkbez” dide ilbaşı Ärdoğan.

”Hürriyet” basması “Ärdoğannan Afinağa açıq kisätü” isemle yazmasında citkergänçä, Türkiyä ilbaşı Ärdoğan 561 çaqrımnan üzeneñ maqsatına tögäl bärgän “Tayfun” raketasınıñ radiusın 1000 çaqrımğa qadär citkerü boyırığı birgänen häm monıñ Greśiyädä  panika tudıruın belderde. İlbaşı Ärdoğan Greśiyäne küzdä totıp “Bezgä qağılmawçığa bez qağılmıybız” dide.

”Sabah” gazetı “Paqıstan Ärdoğannı Nobel’ Tınıçlıq bülägenä täq’dim itte” dip yaza.

Paqıstan Senatı başlığı Möxämmäd Sadık Sanjrani Rusiya –Ukraina suğışı waqıtında quyğan tırışlıqları öçen Ärdoğannı Nobel’ Tınıçlıq bülägenä namzät itep kürsätülären belderde. “Ärdoğan üzeneñ täêsirle, näticäle çaraları belän berüze global’ katastrofanı buldırmıy qaldı” dide Sanjrani.

”Yeni Şafak” gazetı “Türkiyädän Äl –Äq’sa mäçete kisätüe” isemle xäbärendä yazğança, Türkiyä tışqı êşlär ministrı Mävlüt Çavuşoğlu İzrailneñ yaña tışqı êşlar ministrı Êli Koên belän telefonnan söyläşkändä İzrail milli qurqınıçsızlıq ministrı İtamar Ben-Gvirnıñ kiçä Äl –Äqsa mäçetenä qarata provokaśion ğamäleneñ qabul itelmäslek buluına basım yasadı.

 “Star” gazetı “Niderland tikşerenüçese “PKK/YPG”nı faş itä” dip yaza.

Niderland tikşerenüçese Rena Netjesqa “PKK/YPG” separatist terror oyışmasınıñ qarañğı yaqların açıp salğan öçen ülem belän yanadılar. Netjes Könbatışnıñ terrorçı oyışmanıñ qarañğı yözen kürergä telämäwen, moña qaramastan “PKK/YPG”nı faş itüne däwam itäçägen äytte. Niderland tikşerenüçese Süriyäneñ tön’yağında Türkiyä kontrole astında bulğan töbäklärneñ iñ qurqınıçsız urınnar buluın assızıqladı.