Törek matbuğatına küzätü 04.01.2023

“Haber Türk” gazetı yazğança Türkiyä ilbaşı Räcäp Tayyip Ärdoğan Türkiyädä 2022 yılda qullanuçı inflyaŝiyaseneñ xätta urta möddätle maqsattan da tübän buluın äytte. Ärdoğan kiçä başqala Änkarada açıqlaw yasap tübändägeçä citkerde: “Kiläse aylarda inflyaŝiyadağı kimü tendenŝiyaseneñ däwam itäçägen barıbız bergä küräçäkbez.”

“Hürriyet” basması beldergänçä Türkiyäneñ tışqı êşlär ministrı Mäwlüt Çavuşoğlu Rusiyä-Süriyä-Türkiyä arasındağı 3 yaqlı söyläşü belän bäyle bularaq: “Tışqı êşlär ministrları cıyılışı ğıynwar ayınıñ ikençe yartısında bulaçaq,” – dide.

“Sabah” gazetı xäbärenä kürä “Baykar Texnologiya” liderı Selçuk Bayraktar kiçä açıqlaw yasap, berençe tapqır oçqan “Qızıl alma” keşesez hawa apparatı belän bäyle söyeneç äytep: “Qızıl alma xärbi oçqıçlar belän köräşergä sälätle. Xätta supersonik variantın da yasarğa uylıybız. Tawış tizlegennän dä tizräk oça alaçaq,” – dide.

“Watan” basması citkergänçä Türkiyä belän Bolgariya arasında yılına yaqınça milliard yarım kub metr tiräse tabiğıy gaz küçerüne täêmin itäçäk xezmättäşlek kileşüenä qul quyıldı.

“Star” gazetı yazğança dekorativ üsemleklär häm êşlänmäläre tarmağı uzğan yıl 85 ilgä yaqınça 145 million dollar külämendä êksport başqardı.