Törek matbuğatına küzätü 02.01.2023

“Haber Türk” gazetı yazğança Milli saqlanu ministrı Hulusi Akar Greŝiyaneñ üz yalğışların qaplar öçen Türkiyäne êkspansionizm, revizionist säyäsätlär alıp baruda ğayepläwen açıqladı. Greŝiyane Ägäy häm Urta diñgezdä ber yaqlı adım yasamasqa çaqırğan ministr Akar: “Yalğış xisap Änkaradan qaytır,” – dide.

“Star” basması beldergänçä İlbaşı idaräseneñ êlemtä räislege başlığı Faxrettin Altun Türkiyädä soŝial’ ğadellek mäs’äläsendä bik möhim adımnarnıñ yasaluın belderde. “Xäzer global’ ölkädäge ğadelsezlekne, bu ğadelsezlekne tudıruçılarnı beterergä waqıt citte. Bu mäs’älädäge köräşebez monnan soñ xalıqara global’ ğadellek köräşeder,” – dide ul.

“Watan” gazetı xäbärenä kürä Qazna häm finans ministrı Nureddin Nebati soŝial’ säxifädäge akkauntında “Türkiyä Ğasırı” temalı video yazma belän urtaqlaştı. Ministr Nebat video astına bolay dip yazdı: “Dekabr’ ayında tığız êşçänleklär belän ilebez häm millätebez öçen tırışlıq quydıq. İlebezne “Türkiyä Ğasırı”na äzerläw öçen kön-tön dimiçä ciñ sızğanıp êşläyäçäkbez, maqsatlarıbızğa ireşäçäkbez.”

“Hürriyet” gazetı basması citkergänçä Türkiyä soñğı waqıtta tabiğıy gaz häm neft’ tabular belän kön tärtibenä kilä. Separatist PKK terror oyışmasınnan çistartılğan Şırnaknıñ Gabar rayonınnan çığarılğan neft’ iqtisadqa zur öleş kertä. Şırnakta neft’ êzläw êşçänlege isä däwam itä. Töbäktän könenä 25 meñ miçkä neft’ çığaruğa qarağan êşçänleklär tizlek belän alıp barıla.

“Sabah” gazetı yazğança Türkiyä xalıqara tabiğıy gaz ütkärgeçläre, sıyıqlaştırılğan tabiğıy gaz stanŝiyaläre, cir astındağı tabiğıy gaz depolaw qorılmaları belän ênergeikada taläp qurqınıçsızlığın urnaştırğanda Rusiyä-Ukraina suğışı arqasında gaz belän täêmin itüdä qıyınlıq kiçerüçe Awrupanıñ krizisnı atlatu mäs’äläsendä dä möhim rol’ uynarğa äzerlänä. Azärbaycannan soñ Törekmänstan gazınıñ da başta Türkiyägä, annarı Awrupağa qudırıluına qarağan êşçänleklär däwam itkän waqıtta Rusiyä gazınıñ da Awrupağa küçerelüe maqsat itelä.