Törek matbuğatına küzätü 29.12.2022

“Yenişafak” gazetı yazğança Milli saqlanu ministrı Hulusi Akar Mäskäwdä saqlanu ministrları häm küzläw başlıqları arasında uzğan öç yaqlı cıyılış belän bäyle bularaq: “Bezn Türkiyädä häm Süriyädä yäşäwçe süriyäle qardäşlärebezgä qarşı bernärsä dä êşlämibez. Alarğa awırlıq kiteräçäk totış kürsätmädek, kürsätmäyäçäkbez dä,” – dide.

“Hürriyet” basması beldergänçä Türkiyäneñ tışqı êşlär ministrı Mäwlüt Çavuşoğlu Greŝiya matbuğatındağı territorial’ sularnıñ 12 mil’gä çığarılaçağı belän bäyle xäbärlär turında: “12 tügel, Ägäy diñgezendä 1 mil’gä dä röxsät birmibez. Mäclesebez bu mäs’älädä 1995tä qabul itkän qararı ap-açıq. Greŝiyane tağın ber qat kisätäbez. Macara telämä. Azağı sezneñ öçen yaxşı bulmas,” – dide.

“Star” gazetı xäbärendä kürä AQŞtağı töşençä oyışması Atlantic Council Türkiyä ilbaşı Räcäp Tayyip Ärdoğannıñ Rusiyä-Ukraina suğışındağı säyäsäten maqtadı. Mäqalädä: “Ärdoğan bulmasa ide, qıtlıq çığar ide,” – dip yazıldı.

“Sabah” basması citkergänçä Rusiyäneñ xäbär agentlığı RİA Novosti beldergänçä Türkiyä Yaña yıl könnärendä dä rus turistlarnıñ yaratqan häm berençe nomerlı säyäxät urını buldı.

“Watan” gazetı yazğança Türkiyä Cömhüriyäte Üzäk bankı “Sanlı törek lirası” proyektınıñ berençe faza êşçäñlekläre qısalarında berençe tüläw êşläreneñ uñışlı räweştä çınğa aşırıluın citkerde.