Törek matbuğatına küzätü 29.12.2022

“Sabah” gazetı yazğança Türkiyä ilbaşı Räcäp Tayyip Ärdoğan TÜBİTAK häm TÜBA Büläklären tapşıru tantanasında yasağan çığışında: “Türkiyä fändä häm texnologiyadä qabat dan qazanaçaq. Bu geografiyadä fän häm texnologiyaneñ üzäge bulaçaq,” – dide.

“Yeni Şafak” basması beldergänçä ingliz “Financial Times” gazetında çıqqan ber yazmada Türkiyä häm ilbaşı Räcäp Tayyip Ärdoğannıñ qulındağı kozır’lären uñışlı räweştä qullanuı assızıqlana häm tübändäge yullar urın ala: “Türkiyä Rusiyä-Ukraina suğışı arqasında çınlap ta östenlek täêmin itä ala. Kiläçäktä Rusiyä-Ukraina arasındağı tınıçlıq söyläşülärendä dä möhim rol’ uynıy ala.”

“Watan” gazetı Türkiyä Böyek Millät Mäclese başlığı Mostafa Şentopnıñ süzlären uquçıları belän urtaqlaşa: “Rusiyä-Ukraina arasında tınıçlıq urnaştıru tırışlıqları öçen däwlät başlığı Ärdoğannı Nobel’ Tınıçlıq bülägenä namzät kürsättem. Minem möräcäğatem bar. Başqa illärdän dä möräcäğat’ itäçäklär.”

“Xörriyät” basması citkergänçä Ênergetika häm tabiğıy çığanaqlar ministrı Fatix Dönmez Qara diñgez gazın berençe tapqır 2023 yılnıñ mart ayı azağına taba sistemağa kertäçäklären äytte.

“Star” gazetı yazğança AQŞnıñ aldınğı basmalarınnan “The New York Times” uquçıları belän törek desertı bulğan Revanineñ reŝeptın urtaqlaştı. Xäbärdä tübändäge yullar da uın aldı: “Bu yogurttan yasalğan kesks çizkeykka qarağanda ciñelçä häm kiksen täme bar.”