Törek matbuğatına küzätü 28.12.2022

“Haber Türk” gazetı yazğança Türkiyä Qara diñgezdä tuplam 710 milliard kub metrlık, 1 trillion dollarlık tabiğıy gaz rezervın taptı. Ênergetika häm tabiğıy çığanaqlar ministrı Fatix Dönmez: “Mart ayınıñ azağına taba berençe gaznı sistemağa biräçäkbez,” – dide.

“Star” basması beldergänçä Qara diñgezdä tabılğan yaña tabiğıy gaz rezervı dön’ya matbuğatında kiñ yañğıraş taptı. Xäbärlärdä Türkiyä arttırğan gaz rezervı belän bäyle neçkäleklärgä urın birelde. Sakarya mäydanındağı rezervlarnıñ uylanılğannan kübräk buluına basım yasaldı.

“Watan” gazetı citkergänçä küptän tügel “Kovidsız tormış” säyäsäte belän bik tığız çaralar kürgän Qıtay xökümäte 8 ğıynwardan başlap ilgä keräçäk yulçılarnıñ karantinda totılmayaçağın açıqladı. Törek hawa yulları isä 13 ğıynwardan başlap Şanxay säfärlären başlatırğa planlıy.

“Yeni Şafak” basması xäbärenä kürä İstanbuldağı Sabiha Gökçen Xalıqara aêroportında 24 dekabr’ könne çit ildän kilgän yulçı sanında 29 162 keşe belän tarixi rekord quyıldı.

“Sabah” gazetı yazğança tabış êzlänüendä bulğan investorlarnıñ berdänber adresına äylängän häm bıyılğı tabışı 200%ka citkän Birja İstanbul şirkätlärne dä qızıqsındıra başladı. Birja İstanbuldağı investor sanı 2021 yılnıñ azağına kürä 1 million 280 meñ keşegä artıp, 3 million 650 meñ belän tarixtağı iñ yuğarı san buldı.