Törek matbuğatına küzätü 14.12.2022

”Hürriyet” gazetı Türkiyä ilbaşı Ärdoğannıñ “Bu êşneñ adresın häm datasın äytmäslär” digän süzlären alğı planğa çığara.

Türkiyä ilbaşı Räcäp Tayyip Ärdoğan Türkiyä – Azärbaycan - Törekmänstan öç yaqlı däwlät başlıqları sammitında qatnaşu öçen Törekmänstanğa kitär aldınnan belderülär yasadı. Ul Süriyäneñ tön’yağına çik ar’yağı operaśiyäsenä tuqtalıp: “Min härwaqıt äytkänçä, bu êşneñ adresın häm datasın äytmäslär. Bezneñ çik buyınnan kön’yaqqa taba 30 çaqrım yıraqlıqta maqsatıbız bar. Biredä ilebezgä daimi räweştä terror yanawı bar. Soñğı waqıtta bu arttı. Bez moña tawış-tınsız qala almıybız. Operaśiya öçen berkemnän dä röxsät almayaçaqbız”,- dide.

“Haber Türk” gazetı “Çavuşoğlu Türkiyä – Azärbaycan - Törekmänstan öç yaqlı tışqı êşlär ministrları cıyılışında çığış yasadı” isemle xäbärendä citkergänçä, Türkiyä tışqı êşlär ministrı Mävlüt Çavuşoğlu Türkiyä - Azärbaycan-Törekmänstan öç yaqlı tışqı êşlär ministrları cıyılışında törki dön’ya arasındağı mönäsäbätlären Törki däwlätlär oyışması häm ike yaqlı, öç yaqlı, dürt yaqlı mexanizmnar belän nığıtuları turında äytte.

 “Yeni Şafak” basması “Sänäğät’tä tägärmäçlär äylänä” dip yaza.

Türkiyädä sänäğӓt’ citeşterü indeksı oktyabr’dä aylıq bazada 2,4%qa, yıllıq bazada 2,5 %qa arttı.

 “Sabah” gazetı “TOGG Awrupa bazarına kerä” dip xäbär itä.

 Türkiyäneñ cirle avtomobile ”TOGG” yuğarı däräcäle citäkçese Gürcan Karakaş 2024 nçe yıl axırında Awrupa bazarına kerergä uylawların belderde.

 “Vatan” gazetı “Turistik Könçığış êkspressı yaña sezon reysların başlap cibärde” isemle yazmasında citkergänçä, dön’yada poyezd belän säyäxät öçen iñ yaxşı 4 marşrutnıñ berse bulğan Turistik Könçığış êkspressı 2022-2023 sezonınıñ berençe säfärenä kereşte. Ul yaña sezonda 86 reysta 13 meñ 760 yulçı yörtäçäk.