Törek matbuğatına küzätü 13.12.2022

“Yenişafak” gazetı Ärdoğannıñ neft’ söyençese turında yaza

Türkiyä ilbaşı Räcäp Tayyip Ärdoğan Türkiyä innovaśiya atnasınıñ büläkläw tantanasında yasağan çığışında “Törle illärdän neft’ belän bäyle söyeneçle xäbärlär kilä. İl êçendä neft’ citeşterüne kiläse yıl könenä 100 meñ miçkägä citkerergä telibez,”-dide. 

“Hürriyet” gazetı Akarnıñ Greśiyäne kisätüen citkerä.

Milli saqlanu ministrı Xulusi Akar bolay dip belderde: “Greśiyä aqıl, mantıyq häm xoquqsız taläp häm farazlar belän daimi räweştä provokaśiyäle ğamäl häm agressiv süzlär yärdämendä kiyerenkelekne arttırırğa tırışa. Bernärsäne dä ber’yaqlı ğına xäl itep quyularına röxsät birmäyäçäkbez. İrtägeseneñ yaxşı buluın teläwçelär, kiçä häm bügenneñ yalğışlarınnan kire qaytsın”.

 “Star” gazetı Forbsnıñ Türkiyä çığarğan xärbi oçqıçlar turındağı mäqaläsenä iğ’tibar yünältä.

2023nçe yılda küktä bulaçaq Milli xärbi oçqıç, Qızılalma, Xürjet häm Göksungur dön’yada qızıqsınu uyattı. Amerikanıñ Forbs jurnalı “Menä ul türkiyäneñ 2023nçe yılda täwge oçışın yasarğa planlaştırğan xärbi oçqıçları” başçalı analitik yazması belän milli oçqıçlar häm dronnarnı küzätügä aldı.  

“Sabah” gazetı “Simvollarnıñ küpere tarixqa kerde” dip yaza.

Türkiyä transport häm asqorma ministrı Adil Karaismailoğlu 318 metr biyeklektäge manaralarğa urnaştırılğan 16 metrlı arxitektur artilleriyä snaryadları belän “1915nçe yıl isemendäge Çanakkalä küpere”neñ dön’yadağı iñ biyek manaralarğa iyä asılmalı küper bularaq tarixqa kerüen söyläde.

“Habertürk” gazetı Türkiyäneñ söläyman balığı êksportı turında citkerä.

Kara diñgez töbägennän söläyman balığı êksportı ağımdağı yılnıñ ğıynvarınnan noyabrenä qadär çorda 207%qa artıp 125 million 858 meñ dollardan artıq kerem kiterde.