Törek matbuğatına küzätü 09.12.2022

“Xörriyät” gazetı yazğança Türkiyä 2023 Oçraşuına video yullama cibärgän Türkiyä ilbaşı Räcäp Tayyip Ärdoğan: “Bäyälärneñ artuı häm inflyaŝiya mäs’äläsen dä äkrenläp çişeleşkä qawıştırabız. Kürelgän çaralarnıñ täêsire belän inşallah kiläse yıldan başlap inflyaŝiyaneñ bilen sındıraçaqbız,” – dide.

“Sabah” basması beldergänçä Milli saqlanu ministrı Hulusi Akar AQŞta Türkiyägä F-16 oçqıçların satunı çikläwçe şartlar kertüçe maddälärneñ 2023 saqlanu byudjetın da üz êçenä aluçı Milli saqlanuğa röxsät qanun ölgeseneñ soñğı räweşennän çığarıluı belän bäyle bularaq tübändägelärne citkerde: “Uñay totışlarğa bäyle bularaq monnan soñ AQŞ tarafınnan uñay häm tögäl adımnar kötäbez. Ozaqlamıy bu barışnıñ uñay häm tiz räweştä näticälänüen telibez.”

“Yenişafak” gazetı xäbärenä kürä Serbiya däwlät başlığı Aleksandr Vuçiç Türkiyäne Könbatış Balkanda tınıçlıq häm totrıqlılıqnıñ saqlanuı belän ber rättän asqorıma häm ênergetika ölkäsendä zur proyektlarnıñ çınğa aşırıluında möhim partnyer bularaq kürüen açıqladı.

“Habertürk” basması citkergänçä Urta diñgez Ciläk-cimeş häm yäşelçä êksportçıları assoŝiaŝiyase başlığı Ferhat Gürüz Türkiyäneñ noyabr’ ayında 354,9 million dolarlık ciläk-cimeş häm yäşelçä êksportlawın belderde. Älege ayda iñ küp êksport Rusiyägä başqarıldı.

“Star” gazetı yazğança Törek hawa yulları “The Desaign Air” internet säxifäse tarafınnan “Awrupanıñ iñ yaxşı dizaynlı hawa yulı 2022” bulıp saylandı.