Törek matbuğatına küzätü 14.11.2022

”Sabah” gazetı ilbaşı Ärdoğannıñ İstiklal uramındağı şartlawğa qağılışlı süzlären citkerä.

Türkiyä ilbaşı Räcäp Tayyip Ärdoğan kiçä İstanbuldağı İstiklal uramında bulğan şartlaw xaqında “Millätebez waqıyğanı qıluçılarnıñ tiyeşençä cäzağa tartılaçağına ışansın” dide.

 “Hürriyet” basması êçke êşlär ministrınıñ “Höcümçe qulğa alındı” digän süzlären uquçıları belän urtaqlaşa.

Türkiyä êçke êşlär ministrı Sölayman Soylu İstanbulnıñ İstiklal uramında şartlaw oyıştırğan höcümçeneñ qulğa alınuın belderde. “Bezga mondıy qayğı kiterüçelärgä monıñ ällä niçä qatı qayğı xäsrät belän cawap biräçäkbez” dide ministr.

 “Vatan” gazetı “Pänçä - Kilt” operaśiyäsendä 455 terrorçı täêsirsez xälgä kiterelde dip yaza.

Törek Qorallı Köçläre “Pänçä – Kilit” operaśiyäse qısalarında bügengä çaqlı 455 terrorçını täêsirsez xälgä kiterde, 557 mäğarä häm sıyınu urının yuqqa çığardı.

”Star” gazetı “İspaniyädän Türkiyä qararı” isemle xäbärendä citkergänçä, İspaniya Türkiyä hawa saqlanuına öleş kertü öçen cibärgän “Patriot” raketa saqlanu sistemasınıñ  häm wazıyfalı ğaskärlärneñ wazıyfa başqaru waqıtın 2023 nçe yılnıñ iyün’ ayına qadär ozayttı. Türkiyä milli saqlanu ministrı Hulusi Akar İspaniya saqlanu ministrı Margarita Roblesqa berlektäşlekkä turı kilgän ğamälläre öçen räxmät aytte.

 “Haber Türk” basması tekstil’ häm çimal tarmağı 8,7 milliard dollar külämendä êskport başqardı dip xäbär itä.

Türkiyäneñ tekstil’ häm çimal tarmağı bıyılnıñ 10 ayında 8 milliard 720 million dollar êksport başqarıp xäzergä qadärge iñ yuğarı ğıynwar-oktyabr’ çorı êksportına ireşte.