Törek matbuğatına küzätü 8.11.2022

“Xörriyät” gazetı yazğança Türkiyä ilbaşı Räcäp Tayyip Ärdoğan kiçä başqala Änkarada açıqlaw yasap: “Türkiyä Ğasırı digän xıyalıbıznıñ iyäse 85 millionlık xalqıbız,” – dide.

“Sabah” basması Säwdä ministrı Mäxmät Muşnıñ süzlären uquçıları beläñ urtaqlaşa: “Êksportıbız ğıynwar-oktäbr’ aylarında uzğan yıl belän çağıştırğanda 15,4%ka artıp, 209,5 milliard dollar buldı.”

“Star” gazetı beldergänçä Awrupada ênergiya häm gaz belän täêmin itü problemasınıñ könnän-kön artuın açıqlağan İtaliyadağı Xalıqara Säyäsät Tikşerenüläre Üzägeneñ Türkiyä belgeçe, doktor Valeriya Giannotta aşlıq koridorınıñ qabat açıluı belän bäyle bularaq: “Türkiyäneñ biredä möhim rol’ uynawın äytergä kiräk. Bu liderlık töbäktän uzıp kitkän liderlık bulıp tora,” – dide.

“Yeni Şafak” basması citkergänçä Türkiyäneñ cirle avtomobile Toggnıñ soŝial’ säxifädäge akkauntında ütkärelgän anketağa kürä maşinanıñ iñ yaratılğan töse “Kapadokiya” buldı.

“Xäbär türk” gazetı yazğança Muğlanıñ Datça rayonına kiçä berençe tapqır kruiz köymäse kilde. rayonnıñ su kiñlegendä tuqtalğan “The World” isemle ul’tra lyuks köymädäge 192 yulçı maxsus köymälär belän cirgä kilep citte.