Törek matbuğatına küzätü 1.11.2022

”Vatan” gazetı Türkiyä ilbaşı Ärdoğannıñ süzläre belän “Bez keşelekkä xezmät itüne däwam itäbez” dip citkerä. Türkiyä ilbaşı Räcäp Tayyip Ärdoğan İstanbuldağı 8 nçe Törki dön’ya mediśina qorıltayında yasağan çığışında Rusiyäneñ aşlıq kileşüen tuñdıruna qağılışlı bolay dide:” Bez İstanbulda buldırğan urtaq mexanizm yärdämendä 9 million 300 meñ tonna Ukraina bodayın cibärep keşelek xezmätenä üzebezdän öleş kettek häm azıq-tölek krizisın çağıştırmaça kimettek. Rusiya, üzenä ber ük ciñelleklär täêmin itelmägängä, bu mäs’älädä ikelänep qalsa da bez keşelekkä xezmät itüne däwam itäbez”.

”Yeni Şafak” basması Akar Şoygu belän aşlıq koridorı turında söyläşte dip yaza. Türkiyä milli saqlanu ministrı Hulusi Akar Rusiya Federaśiyäse saqlanu ministrı Sergey Şoygu belän telefonnan söyläşte. Akar wazıyfadaşına aşlıq cibärü iniśiativasın tuñdıru turındağı qararnı yañadan qarawların kötülären citkerde.

”Star” gazetı Amreyevnıñ “Ärdoğan törki dön’yanı berläşterde” digän süzlären uquçıları belän urtaqlaşa. Törki däwlätlär oyışması ğomum särqätibe Bagdat Amreyev “Soñğı 20 yılda Türkiyäne böten dön’yağa tanıtqan häm anı üz töbägendä genä tügel, ä dön’yada da üz süzen äytä alırlıq ilgä äwereldergän ilbaşı Ärdoğan citäkçelege belän böten törki dön’yanı berläşterä aldı” dide.  

”Haber Türk” basması Türkiyä sälamätlek saqlaw ministrı Fäxrettin Kocanıñ süzlären alğı planğa çığara.  “Bez köçle däwlät häm şäxsi sälamätlek saqlaw oyışmaları, kvalifikaśiyäle sälamätlek saqlaw köçe, yuğarı texnologiyäle asqorma häm sıyfatlı xezmät belän sälamätlek saqlawnıñ global’ yoldızı buluıbıznı “Health Türkiye” markası belän böten dön’yağa iğ’lan itäçäkbez” dide Türkiyä sälamätlek saqlaw ministrı Fäxrettin Koca.

”Hürriyet” gazetı turistik Könçığış êkspressı säfärläre başlıy dip xäbär itä. Türkiyä mädäniyät häm turizm ministrı Mäxmät Nuri Ärsoy turistik Könçığış êkspressı säfärläreneñ dekabr’dä yañadan başlanaçağın äytte.