Törek matbuğatına küzätü 31.10.2022

“Yeni Şafak” gazetı yazğança Milli saqlanu ministrlığı Rusiyäneñ Sevastopol’dağı höcümnär arqasında aşlıq kereşüen waqıtlıça tuqtatuın belderde. Yasalğan açıqlawda bolay diyelde: “Ukrainadan köymä çıqmayaçaq. İstanbulda kötüce köymälärne tikşerü däwam itä.” Ayıruça İstanbuldağı koordinaŝiya üzägendäge rus personalnıñ wazifada buluı citkerelde.

“Star” basması beldergänçä Qazna häm finans ministrı Nureddin Nebati Türkiyäneñ geografik yaqtan Rusiyä, İran häm Soğud Ğaräbstanınnan kiläçäk ênergiya öçen koridor buluın äytep: “Härtörle tabiğıy gaz häm neft’ne tağın da oçsız häm imin räweştä qudırıp bula,” – dide.

“Sabah” gazetı citkergänçä 29 oktäbr’ könne Bursada açılğan Türkiyäneñ berençe cirle avtomobile Togg bar dön’yada kiñ yañğıraş taptı.

“Xörriyät” basması yazğança Bloomberg “Togg” xäbären “Ärdoğan Türkiyäneñ berençe êlektrlı avtomobilen kürsätte” isemle başça belän citkerde. Alman Deutsche Welle gazetı xäbärendä “Türkiyä Togg belän tarix yaza” isemle yullar urın ala. Rus xäbär agentlığı Ria Novosti êlektrlı cirle avtomobil’ğa 30 minut êçendä ênergiya tutırıp buluın häm maşinanıñ bu ênergiya beläñ 500 çaqrım yul uza alacağın yazdı.

“Watan” gazetı beldergänçä cirle avtomobil’ Toggnıñ tösläre bilgelände. Toggdan yasalğan açıqlawda: “Gemlikneñ zäytün ağaçları külägäsendäge zäñgär suların, Anadolu tufraqlarınıñ qızıllığın, Oltu taşınıñ qaralığın, Kulanıñ tabiğate, qıyaları häm üzänleklären çağıldıruçı sorı tösen, Kapadokiyadağı päri morcalarınıñ tufraq häm qom tösen, Pamukkale travertinnarınıñ aqlığın maşinalarıbızda berläşterdek,” – dip äytelde.