Törek matbuğatına küzätü 27.10.2022

“Sabah” gazetı yazğança Türkiyä ilbaşı Räcäp Tayyip Ärdoğan soŝial’ säxifä akkauntında Türkiyä Ğasırı vizionı temalı video yazma belän urtaqlaştı. Yazmada cirle inventar’ne arttıru adımı belän soñğı 20 yılda Törek qorallı köçläreneñ 70%tan artıq külämdä milli saqlanu sistemaları belän cihazlandırıluına iğtibar cälep itelde.

“Watan” basması beldergänçä Türkiyä ilbaşı Räcäp Tayyip Ärdoğan Şveŝiyaneñ yaña prem’yer-ministrı Ulf Kristersson belän telefonnan söyläşte. Ärdoğan Kristerssonnı Änkarağa çaqırdı häm 19 oktäbr’da cibärgän xatın xäterlätep, Şveŝiya xökümäte belän ike yaqlı mönäsäbätlärne här ölkädä üsterergä äzer buluların citkerde.

“Yeni Şafak” gazetı xäbärenä kürä Greŝiyaneñ “Ta Nea” gazetında “Türkiyä Könçığış belän Könbatış arasında nindi tigezlek qorırğa tırışa?” isemle xäbär basıldı. Xäbärdä tübändäge yullar urın ala: “Türkiyä däwlät başlığı yaña iptäşlär tabuda irekle bulğan bäysez köç bularaq Türkiyäne äkrenläp qabar tözede. Ärdoğan Afrika häm Latin Amerikada distälärçä diplomatik missiya açtı.”

“Xörriyät” basması citkergänçä NATO ğomüm särqätibe Yens Stoltenberg ozaqlamıy Türkiyägä kiläçägen äytte. Stoltenberg açıqlaw yasap: “Türkiyä, Finlyandiya häm Şveŝiyaneñ öç yaqlı kileşü qısalarında êşçänlek başqarularınnan qanäğat’ bez. Ozaqlamıy Türkiyägä baram,” – dide.

“Star” gazetı yazğança İstanbuldağı SAHA EXPO 2022 yärminkäsenä barğan Angliyaneñ saqlanu ministrı Ben Uolles Angliyaneñ Türkiyägä Eurofigter Typhoon xärbi oçqıçın satarğa uylawın äytte.

Xäbärgä kürä ingliz ministr bolay dide: “Bayraktar qorallı keşesez hawa apparatı sälätlären kürdem, Törek saqlanu sänägäte köçäygännän köçäyä bara. Türkiyägä Eurofigter Typhoon xärbi oçqıçın satarğa uylıybız.”