Törek matbuğatına küzätü 21.10.2022

”Star” gazetı “Ärdoğannan Cäbrayıl reakśiyäse” isemle yazmasında citkergänçä, kiçä Azärbaycan ilbaşı İlham Aliyev belän urtaq matbuğat oçraşuında çığış yasağan Türkiyä ilbaşı Räcäp Tayyip Ärdoğan Ärmänstan okkupaśiyäse waqıtında Qarabaxqa kiterelgän zıyanğa tuqtalıp ,”Gaaga Xalıqara mäxkämasenä kiterep kompensaśiya sorarğa kiräk” dide.  

”Vatan” gazetı “Türkiyä yañartıla torğan ênergiyädä Awrupada 5 nçe urınğa kütärelde” dip yaza.

İlbaşı Räcäp Tayyip Ärdoğan Türkiyäneñ yañartıla torğan ênergiyädä Awrupada 5 nçe urınğa, dön’yada 12 nçe urınğa kütärelüen belderep,” Bez bu uñışqa yañartıla torğan ênergiya däräcäbezne ğomumi ênergiya däräcäseneñ 55%ına citkerep ireştek” dide.

”Sabah” gazetı “Şveśiyädän Türkiyä belderüe” isemle xäbärendä citkergänçä, Şveśiya prem’yer-ministrı Ul’f Kristerson üz ileneñ NATOğa kerüe belän bäyle Türkiyäneñ qurqınıçsızlıq borçıluların beterü öçen tırışlıqlarnı arttıraçağın, bu taläplärne NATO äğ’zası bulğannan soñ da ütäyäçäklären äytte.

”Hürriyet” basması “Togg avtomobilenä zur soraw bar” dip yaza.

 Türkiyä sänäğat’ häm texnologiya ministrı Mostafa Varank cirle häm milli avtomobil’ “Togg” turında belderü yasap, aña qarata zur qızısınu kürsätelüen häm üzeneñ dä “Togg”nı qullanaçağın äytte.

”Yeni Şafak” gazetı “İstanbuldağı aêroportlar 9 ay êçendä yulçı sanın arttırdı” dip xäbär itä.

Ağımdağı yılnıñ ğıynwar – sentyabr’ däwerendä İstanbul häm Sabiha Gökçän hawa mäydannarınnan barlığı 70 million 124 meñ 741 yulçı säyäxät itte. 9 ayda yulçı sanı 65%qa, reyslar sanı 37%qa arttı.