Törek matbuğatına küzätü 20.10.2022

“Habertürk” gazetı ilbaşı Ärdoğannıñ Zelenskiy belän söyläşüe turında yaza

Türkiyä ilbaşı Räcäp Tayyip Ärdoğan Ukraina däwlät başlığı Volodimir Zelenskiy belän telefon aşa suğıştağı soñğı wäzğıyät’ xaqında söyläşte. Törek lider diplomatik çişeleş mömkinlegen här şartta saqlarğa kiräklegen belderde häm suğışnıñ söyläşülär yulı belän tögällänüe öçen kiräkle här öleşne kertergä äzer buluların äytte.

“Star” gazetı Kulebanıñ Türkiyä belän bäyle süzlären citkerä.

Ukraina tışqı êşlär ministrı Dmitro Kuleba Türkiyäneñ balans diplomatiyäsen añlawların häm ilneñ ähämiyätle mäs’älälärdä Ukrainağa yärdämen däwam itüen belderde.  

“Yenişafak” gazetı törek saqlanu firmaların maqtawların citkerä

Franśiyäneñ Afrika küzläw internet säxifäse “Afrıca Intellıgence” üzeneñ xäbärendä Tunisnıñ Xamamat şähärendä oyıştırılğan 2nçe Xalıqara aviaśiyä häm saqlanu êkspoziśiyäsendä törek şirkätläreneñ zur qızıqsınu uyatuı turında yaza.

“Hürriyet” gazetı yazğança, Türkiyäneñ iñ zur sośial’ toraq proyektı - “Financial Times”ta

İlbaşı Ärdoğan iğ’lan itkän Türkiyä cömhüriyäte tarixındağı iñ zur sośial’ toraq proyektı Angliyäneñ “Financial Times” gazetında urın aldı. Anda proyektnıñ külämlelege häm ähämiyätenä iğ’tibar cälep itelä.

“Sabah” gazetı “Citeşterüne tuqtatqan Awrupa sänäğat’çeläre tovarların Türkiyädä çığara” dip yaza

 Yuğarı ênergiyä çığımnarı säbäple Awrupa sänäğat’çeläre citeşterü liniyälären ber-ber artlı yaba. Alar tovarların törek şirkätlärenä êşlätä. Plastik, timer-qorıç tarmaqlarınnan başlap här sektordan diyärlek “Bezneñ öçen yasap çığara alasızmı?” täq’dimnäre yawa.