Törek matbuğatına küzätü 17.10.2022

“Xäbär türk” gazetı yazğança Türkiye ilbaşı Räcäp Tayyip Ärdoğan Bartınnıñ Amasra rayonındağı şaxtada barlıqqa kilgän şartlaw arqasında qayğınamä urtaqlaşqan däwlätlär belän bäyle bularaq bolay dide: “Qayğınamä yullamaları belän Bartındağı qayğıbıznı urtaqlaşqan barlıq dus däwlätlärgä häm xalıqlarına kürsätkän samimi yärdämläşü öçen törek xalqı isemennän räxmät belderäm.”

“Star” basması beldergänçä Türkiyäneñ Yaqın Könçığış häm Farsı qultığı illärenä êksportı 9 ayda 24,8%ka artıp, 24,7 milliard dollarğa citte. İñ küp êksport 7 milliard yarım dollar belän Ğıyraqqa çınğa aşırıldı.

“Yenişafak” gazetı xäbärenä kürä dön’yanıñ iñ zur azıq-tölek yärminkäse “SIAL Parij”da Türkiyä cilläre isä. Bıyıl Qıtay qatnaşmağan çarada Türkiyä iñ zur milli qatnaşu kürsätkän il bularaq alğı planğa çıqtı.

“Watan” basması “İñ yaxşı Latin muzıkası cırçısı” kategoriyasendä küp tapqır Grammy büläge namzäte bulğan ispaniyale Diva Monika Molinanıñ süzlären uquçıları belän urtaqlaşa: “Türkiyädä säxnägä çığuğa uq miña bulğan söyü häm yaratunı xis itam. Monda üzemne öyemdä kebek xis itäm, imindä häm bernindi naçar äyber bulmas kebek toyıla.”

“Xörriyät” gazetı citkergänçä dön’yanıñ iñ zur çüllärennän berse bulğan Mongoliyadağı Gobi çüle töbägendä ütkärelgän tikşerenülärdä Altay belän Gobi arasında mädäni bağlarğa şahit bulğan arxeologik dokumentlar tabıldı. Tikşerenüçelär töbäktä Borınğı taş çorı êzläre belän bergä törle çorlarda töreklärneke bulğan mamont figurların oçrattı.