Törek matbuğatına küzätü 13.10.2022

”Sabah” gazetı Ärdoğan Qazaqstan belän xezmättäşlekkä basım yasadı dip yaza.

Türkiye ilbaşı Räcäp Tayyip Ärdoğan Türkiyeneñ Qazaqstannıñ totrıqlılığın häm cir bötenlegen yaqlawnı däwam itäçägen belderep, ”Urta möddät öçen bilgelängän 10 milliard dollarlıq maqsatıbızğa nıqlı adımnar belän alğa barabız. Bez Urta Aziyädä dä, global’ däräcädä dä küp yaqlı platformalardağı urtaq tırışlığıbıznı däwam itäçäkbez” dide.

”Hürriyet” basması “Putinnan Türkiye formulası” digän yazmasında citkergänçä, Rusiya Federaśiyäse däwlät başlığı Vladimir Putin kiçä yasağan belderüendä Awrupanı gaz belän täêmin itü öçen Türkiyedä zur tabiği gaz üzäge tözi aluların äytte.

”Star” gazetı  “Bezneñ öçen töp partnyer” isemle xäbärendä yazğança, Awrupa Berlege komissiyäseneñ kiñäyüdän cawaplı äğ’zası Oliver Varxeli Türkiyeneñ Awrupa Berlegeneñ töp partnyerı buluın, şulay uq Awrupanıñ ênergiya qurqınıçsızlığı öçen möhim häm ışanıçlı tranzit il buluın belderde.

”Yeni Şafak” basması “Dön’yadağı iñ zur yözüçe êşxanä Türkiyede citeşterelde” dip yaza.  Türkiye sänäğät’ häm texnologiya ministrı Mostafa Varank äytüençä, Türkiyedä Yalovada citeşterelgän dön’yadağı iñ zur yözüçe balıq totu köymäse könenä 450 tonna balıq totıp êşkärtä ala, 4 säğät’ êçendä êşkärtelgän balıqnı tuñdıra ala häm annarı yarğa taşıy torğan tulı avtomatlaştırılğan texnologiyägä iyä.

 “Vatan” gazetı “Avgust ayına qağılışlı sänäğät’ citeşterü indeksı näticäläre bilgele buldı” dip xäbär itä. Türkiye statistika oyışması mäğ’lümatlarına qarağanda, sänäğӓt’ citeşterü indeksı avgustta aylıq bazada 2,4%qa, yıllıq bazada 1 %qa arttı. Citeşterü tarmağındağı artu iğ’tibarnı cälep itte.