Törek matbuğatına küzätü 12.10.2022

“Sabah” gazetı Çavuşoğlunıñ Greśiyägä çaqıruı turında yaza.  

Türkiyä tışqı êşlär ministrı Mäwlet Çavuşoğlu Greśiyäneñ Êgeydäge utrawlarnı qorallandıruı belän bäyle bularaq bolay dide: “Greśiyä härwaqıttağıça ayanıç xälgä töşte. Härwaqıttağıça barıp şiqayät’ itälär”. Çavuşoğlu Greśiyägä möräcäğat’ itep: “Kil, utrawlarnıñ qoralsızlandırıluın Xalıqara mäxkämägä söylä”-dide.

“Star” gazetı “Pol’şa armiyäsenä Bayraktar TB2 köçe” dip yaza.

Pol’şa saqlanu ministrı urınbasarı Voyśex Skurkeviç cirle häm milli keşesez qorallı hawa apparatı Bayraktar TB2neñ bu ay armiyädä qullanılışqa keräçägen belderde. “Bu dronnarnıñ çın yanawlarda häm çın suğışta nindi köç kürsätüen küzätäbez. Qorallı köçlärneñ modernizaśiyäseneñ bik ähämiyätle öleşe”,-dide ul.

“Hürriyet” gazetı Dönmäzneñ “İlebez tabiğıy gazda kritik rol’ alırğa mömkin” digän belderüen citkerä.

Türkiyä ênergetika häm tabiğıy çığanaqlar ministrı Fatix Dönmäz ênergetika forumında yasağan çığışında: “İlebez kürşe däwlätlärdäge tabiğıy gaznı könbatıştağı bazarlarğa iltep citkerüdä xäzergese sıman kiläçäktä dä kritik rol’ başqarırğa mömkin,”-dide.

“Habertürk” gazetı törek çäyeneñ qaya kitüe turında xäbär itä.  

Türkiyädän ğıynvar-sentyabr’ çorında 106 däwlätkä 4 meñ 870 tonna çäy cibärelgän. İñ küben Bel’giyä satıp ala. Älege ilgä 3 million 921 meñ dollarlıq çäy êksportlanğan.  

“Yenişafak” gazetı böten dön’yada mäşhür cırçı Steysi Kentnıñ Atatörek mädäniyät üzägenä xäyran qaluı turında yaza.

Mädäniyät häm turizm ministrlığı oyıştırğan “Beyoğlu mädäniyät yulı festivale” qısalarında AQŞlı djaz başqaruçısı Steysi Kent Atatörek mädäniyät üzägendä muzıka söyüçelär belän oçraştı. Ul konśert waqıtındağı çığışında üzäkne qarap çığuın, oşatuın häm sośial’ mediada urtaqlaşuın söyläde.