Törek matbuğatına küzätü 11.10.2022

“Sabah” gazetı Türkiye ilbaşı Räcäp Tayyip Ärdoğannıñ tübändäge süzlären uquçıları belän urtaqlaşa: “Här platformada bulğanı kebek Çexiya başqalası Pragada da Awrupalı liderlarğa Könçığış Urta diñgez häm Ägäydäge problemalarnı xalıqara xoquq qısalarında çişärgä teläwebezne äyttek. Awrupa Berlegeneñ bu mäs’älädä xaqsız häm xoquqsız kereşülärne xuplaw urınına äñgämädäşlärebezne dialogka çaqıruın kötäbez.”

“Xörriyät” basması beldergänçä Türkiye ilbaşı Räcäp Tayyip Ärdoğan Awrupadağı ênergetika krizisı belän bäyle bularaq soñğı Praga oçraşuında Awrupalı liderlarnıñ bu qışnı niçek uzdıraçaqların äytülären assızıqlap: “Alarğa bezneñ mondıy problemabız yuq didem”, - dip belderde. Türkiyä liderı kiläse yıl başlarında da Qara diñgezdän tabiğıy gaz çığarğaç Türkiyäneñ tağın da räxättä bulaçağın citkerde.

“Star” gazetı citkergänçä Êstoniya Parlamentınıñ Tışqı êşlär komissiyase başlığı Marko Mixkel’son Türkiyäneñ aradaşçılıq rolenä basım yasadı. Mixkel’son tübändägeçä däwam itte: “Türkiye ilbaşı Räcäp Tayyip Ärdoğan soñğı waqıtta suğışuçı taraflarnı söyläşü östäle artına utırtıp, möhim diplomatik adımnar yasadı.”

“Yeni Şafak” basması xäbärenä kürä AQŞnıñ êlekke Däwlät Departamentınıñ kiñäşçe yärdämçese Mêt’yu Brayza Könçığış Urta diñgezdäge tabiğıy gaznıñ Awrupağa qudırıluında säwdä cähatennän iñ mantıyqlı variantnıñ Türkiyä aşa ütkärgeç buluı zarurlığın äytte. Brayza: “Başqa variantlar bik qıybat çığa,” – dide.

“Xäbär türk” gazetı yazğança Qazna häm finans ministrı Nureddin Nebatinıñ süzlären citkerä: “Türkiyä iqtisadı modele belän täêmin itelgän üseş häm êş belän täêmin itüdäge artış yärdämendä dön’ya iqtisadlarınnan uñay räweştä ayırılırğa däwam itäbez.”