Törek matbuğatına küzӓtü 26.08.2022

“Xörriyӓt” gazetı beldergӓnçӓ Türkiye prezidentı Räcäp Tayyip Ärdoğan kiçӓ açıqlaw yasap, Süriyӓneñ tön’yağına ixtimallı operaśiya belӓn bӓyle bularaq tübӓndӓgelӓrne citkerde: “Kön’yaq çiklӓrebezne 30 çaqrımğa qadӓr ışanıç astına alğanğa qadӓr körӓşebezneñ betmӓyӓçӓgen biredӓn bar dön’yağa tağın ber qat ӓytӓm. Hӓrwaqıt ӓytep kilgӓnebez kebek ber tönne kinӓt kenӓ hӓr urınğa kilӓ alabız.”

“Haber Türk” basması xӓbӓrenӓ kürӓ Milli saqlanu ministrlığı çığanaqları Ӓgӓy diñgezendӓ NATOnıñ hawadan irtӓ kisӓtüçe AWACS oçqıçı hӓm Nexus Ace belem birü wazifasın çınğa aşıruçı Türkiyeneñ 2 F-16 xӓrbi oçqıçın 24 avgustta Greśiyağa bӓyle F-16 xӓrbi oçqıçlarınıñ radiolokaśiya yozağı belӓn tınıçsız itülӓren belderde. Törek oçqıçları da grek oçqıçlarına kirӓkle cawapnı qaytarğan.

 “Star” gazetı citkergӓnçӓ Tön’yaq Makedoniya dӓwlӓt başlığı Stevo Pendarovski Türkiyeneñ Balkanda berqayçan da töbӓktӓge xalıqlarnı bülӓçӓk totış kürsӓtmӓwen ӓytte.

“Sabah” basması yazğança Antaliyağa 21 avgusttan bügengӓ qadӓr oçqıç belӓn kilgӓn turist sanı 8 million 300 meñgӓ citte, könenӓ 75-80 meñ ilgӓ kerü küzӓtelӓ. Ay azağında bu san 9 millionnan artaçaq dip kötelӓ.