Törek matbuğatına küzätü 21.07.2022

“Yeni Şafak” gazetı ilbaşı Ärdoğannıñ Süriyädäge AQŞ berlekläre turındağı belderüen kiterä.  

Törkiyä ilbaşı Räcäp Tayyip Ärdoğan İrannan qaytışlıy yasağan belderüdä: “Amerika Quşma Ştatları xäzerge waqıtta Färatnıñ könçığışınnan kitärgä tiyeş. Astana prośessınnan çıqqan näticä bu. Çönki andağı terrorçı oyışmaların tuqlandıruçı Amerika,”-dide.

“Star” basması “Tarixi sammit rus matbuğatında” dip yaza.

Törkiyä, Rusiyä häm İran arasında Tähranda uzğan Astana formatındağı 7nçe öç’yaqlı sammit cıyılışına Rusiyä mediasında kiñ urın birelde. “İzvestiyä” gazetındağı xäbärdä “2017nçe yılda Süriyädäge wäzğıyät’ne normal’läşterü öçen buldırılğan älege platforma Rusiyä, İran häm Törkiyäne berläşterä” diyelä.

“Sabah” gazetı Ruat Oktaynıñ Könçığış Urta diñgez belän bäyle süzlären citkertä.

Kiçä Törkiyä ilbaşı kiñäşçese Fuat Oktay Tön’yaq Kipr Törek cömhüriyätendä çığış yasağanda dön’yadağı iñ aldınğı borawlaw köymälärennän berse Abdülxamid Xannıñ Könçığış Urta diñgezdäge wazıyfasına avgust ayında kereşäçägen äytte.

“Haber Türk” gazetı cirle avtomobil’neñ İstanbulda kürsätelüe xaqında yaza.

Togg üzeneñ Qullanuçı êlektronikası êkspoziśiyäsendä tanıtqan konsept avtomobilen İstanbulda kürgäzmägä quydı. “Zorlu Center” üzägendä cämäğat’çelekneñ tamaşasına täq’dim itelgän maşina ğıynvarda dön’yağa tanıtıldı häm Toggnıñ kiläçäkkä qaraşın küzallarğa yärdäm itte.  

“Hürriyet” gazetı “Qullanuçı ışanıç indeksı kütärelde” dip xäbär itä.

Törkiyä statistika oyışması häm Törkiyä cömhüriyät üzäk bankı xezmättäşlegendä alıp barılğan qullanuçı anketalarınıñ näticälärenä qarağanda, qullanuçı ışanıç indeksı iyül’ ayında, annan aldağı ay belän çağıştırğanda, 7,4%qa artqan. İyün’dä 63,4% bulğan indeks iyül’dä 68%qa kütärelä.

------------